fl. 1. Ogʻzaki (gap bilan) maʼlum qilmoq, bildirmoq.
Rostini aytmoq. Oʻz mulohazalarini aytmoq. Uzr aytmoq. Betga aytganning zahri yoʻq. — Maqol
2. Yoddan ogʻzaki bayon qilmoq, soʻzlamoq (ertak, hikoya va shu kabilar haqida).
Ertak aytmoq. Topishmoq aytmoq. Sheʼr aytmoq.
Zerikmayman kecha afsona aytsam. — Habibiy
3. Talaffuz qilmoq.
Moʻylovi maysa boʻlib qolgan kap-katta yigitning r ni ayta olmasligi Elmurodga gʻalati tuyuldi. — P. Tursun, Oʻqituvchi
4. Taklif etmoq, chaqirmoq.
Toʻyga aytmoq. Hasharga aytmoq. Aytmagan yerga borma, aytgan yerdan qolma. — Maqol
Aytmagan qoʻnoq — yoʻnmagan tayoq. — Maqol
Mahalladan ham uch-toʻrt kishi aytdim, oshni koʻproq qilish kerak. — A. Qodiriy, Oʻtgan kunlar
5. yord. fl. vzf. Bogʻlama vazifasini bajaradi.
— Qimorboz deb kimni aytasiz? — ogʻzidagi oshi bilan gʻoʻldiradi Qambar. — Oybek, Tanlangan asarlar
- Ayting-ayting Narsa-hodisaning yuz berishi-bermasligi maʼqulligini ifodalaydi. Ayting-ayting, biz borguncha, ketib qolishmasin.Ayting-ayting, hech kim el nazaridan qolmasin. — Gazetadan
- Aytmaysizmi yoki ayting Tilga olingan narsani alohida taʼkidlaydi. Shirinligini aytmaysizmi. Odobliligini ayting.
- Shuni ayting yoki nimasini aytasiz yoki sekinroq aytasizmi Soʻzlovchining aytilgan gapga toʻla qoʻshilishini bildiradi. — Shuni ayting, — dedi Amin buva ham kulib. — Suv oʻzini juda aziz qilib yubordi. — M. Ismoiliy, Fargʻona tong otgunchaEy, nimasini aytasiz, dugonajon, alohida uy olmasam boʻlmaydi. — GazetadanOdamoxun, deb sekinroq aytasizmi — A. Qodiriy, Gʻirvonlik Mallavoy
- Aytgani aytgan, degani degan Aytgan narsasi albatta boʻladi, amalga oshadi. Onasi umrida eriga tik gapirmagan xotin erining aytgani aytgan, degani degan. — I. Rahim, Chin muhabbatMaslahatga koʻnmaydi. Aytganim aytgan, deganim degan, deb turib oladi. — P. Tursun, Oʻqituvchi
- Aytgan joyidan kesadi Aytganini albatta amalga oshirtiradi, aytganini bajartiradi.