Поиск

sft. 1. Aʼlo sifatli, eng yaxshi; toza, sof (qalbaki, past emas).

Asil mol. Asil shoyi. Asil buyum. Asil aynimas, aynisa ham chirimas. — Maqol.

Oyoqqa chulgʻov qilsang ham, asil ipak boʻz boʻlmas, deb shuni aytadi. — A. Muxtor, Kumush tola

Kela qoling, lalmi qovun, marmar tarvuz sabzining asili. — Gazetadan

2. koʻchma Yaxshi xislatlarga, fazilatlarga ega boʻlgan; olijanob, bebaho; sof, pok.

Asil odam. Asil farzand.

[Komilov Qodirga:] Yana boʻrk ol desam, bosh olib yurma! Dadavoy aka kabi odamlar bizga kerakli odamlar. Xatolari, nuqsonlari koʻp boʻlsa ham, yuragi asil koʻrinadi. — Uygʻun, Navbahor

3. Asil (erkaklar ismi).

ot Feodal va burjua-dvoryan jamiyatida: yuqori tabaqali zotlarga mansub shaxs; oqsuyak.

ot 1. esk. Biror ishni amalga oshirish uchun yoʻl, bahona, sabab.

Maʼsumani ezarga bu bir vasila erdi, Din ismidan qilingan nayrang-u hiyla erdi. — Gʻ, Gʻulom

2. Vasila (xotin-qizlar ismi).

Bir-biriga ulanib ketgan; uzluksiz, toʻxtovsiz.

Muttasil ish. Muttasil qatnov.

Poyonsiz jazirama qum sahrosining naq oʻrtasidan oftobning muttasil jazillatib sanchayotgan nayzalariga bardosh berib birov boradi. — A. Hakimov, Ilon izidan

Uch kecha-kunduz muttasil yoqqan laylak qor kuni kecha bosildi. — S. Anorboyev, Oqsoy

[Amir Temur] Zamondosh hukmdorlar bilan elchilik aloqalarini yoʻlga qoʻyib, muttasil yozishmalar olib borgan. — Fan va turmush