Qidiruv

fl. 1. Yolgʻon-yashiq gaplar, vaʼdalar bilan laqillatmoq, avramoq.

Xalq xalq boʻlib birovni aldagan emas, ammo xalqni aldaganlar boʻlgan, ha, siz bizni aldamasangiz boʻldi, boy, biz sizni aldamaymiz. — M. Ismoiliy, Fargʻona tong otguncha

2. Yaxshi gap, vaʼda va shu kabilar bilan yoʻlga solmoq, koʻndirmoq.

Kuyovning qayerda ekanini hech kim bilmaydi. Kelin uyga qamalib olgan — na yolvorganga koʻnadi, na aldaganga. — A. Qahhor, Toʻy

3. Yoʻldan urmoq, yoʻldan ozdirmoq.

[Xonzoda Jamilaga:] Ey tentak Yuzingni birov koʻrgan bilan yeyilib qoladimi? Shunday qilib akamni aldaysan-da! — Hamza, Boy ila xizmatchi

4. Yolgʻon gapirmoq, yolgʻonchilik qilmoq.

— Rafiq, nayni kim chaldi? — Yoʻlchi akam. — A! Rostdanmi! — Aldama. Oybek, Tanlangan asarlar

5. Notoʻgʻri tasavvur tugʻdirmoq, chalgʻitmoq.

[Musa:] — Sen birovni ham aldama, oʻzingni ham aldama: mana bu yerda darding bor, — dedi-da uning koʻkragiga asta urdi.— Mana bu yerda. — P. Tursun, Oʻqituvchi

fl. Aldamoq feʼlining oʻzlik nisbati.

fl. Aldanmoq feʼlining majhul nisbati.

sft. 1. Sifati, fazilati va sh.k. jihatidan eng yuqori; asil.

Korxonadan har kuni 28 tonna aʼlo sifatli mahsulot olinmoqda. — Gazetadan

Maktabda Sattorni hamma yaxshi koʻrardi: zehnli, oʻqishda ham, xulqda ham aʼlo bola edi. — Oʻ. Usmonov, Qismat

2. Oʻquv yurtlarida: besh balli tizimda eng yuqori baho.

Xoʻp, hozir koʻramiz.. “Yaxshi!“.. “Oʻrta“.. “Oʻrta“.. Qani “aʼlo“? Ruschadan nima uchun yaxshi? — A. Qahhor. Ayb kimda?

3. Aʼlo (erkaklar va ayollar ismi).

sft. 1. Qadimgi turkiy xalqlarda ikki qoʻshin oʻrtasidagi jang boshlanishidan oldin yakkama-yakka olishuvda ishtirok etuvchi jangchi.

2. folk. Oʻzbek xalq dostonlarida gʻayritabiiy kuch-quvvati, mardligi, jasorati va shu kabilar bilan ajralib turadigan qahramon sifati.

Oʻzi ekan nomi ketgan pahlavon, Alp Avazni koʻrdingizmi, onajon. — Zulfizar bilan Avazxon

ot 1. mus. Umumiy xorda — xonanda xotin-qizlar yoki bolalarning ingichka ovozi (tenordan balandroq eshitiladi).

2. Shu ovoz bilan ashula aytuvchi xonanda.

3. Past registrda kamoncha bilan chalinadigan, skripkadan kattaroq, torli musiqiy asbob.