Изоҳли луғат
· яна 2 та луғатда
- Бир зайлда Бир хилда, бир маромда, бир хил ҳолатда. Теварак атроф жимжит. Ниначилар бир-бирини қувлаб учар, чигирткалар бир зайлда чириллар эди. — Н. Сафаров, Оловли излар
- Замона(нинг) зайли (билан) 1. Вақтнинг, даврнинг тақозоси, талаби (билан). — Ота-оналар замонанинг зайли, деб қизларини ўқитиш зарурлигини тан олсалар ҳам, ўқимишли қизларнинг ўзига хос хоҳишларини тан олмайдилар, — деди Кумуш. — Т. Жалолов, Олтин қафасАна, замона зайли билан бу ерларга келдим. Роза билан қайта танишдим [деди Бахтиёр]. — Абдуллаев, Тўй бўладиНажмиддин Бухорий кейинчалик замонанинг зайли билан Хуросонга келиб қолган. — Мирмуҳсин, Меъмор
- Шу зайлда Маълум тарзда; маълум ҳолатда, тарзда. Гапнинг шу зайлда бошланиши Ҳаётни ёмон қўрқитиб юборди. — М. Исмоилий, Фарғона тонг отгунчаБобоқул шу зайлда қанча вақт ўтирганини билмайди. — С. Анорбоев, ОқсойЖанг шу зайлда кечгача давом этди. — М. Осим, Карвон ёʻлларида