sft. 1. Mehnatkash, mehnat qiluvchi.
Hozirgi togʻoraday dumbali hisori qoʻylar ham oʻzidan-oʻzi paydo boʻlib qolmagan-ku! Bu zotni yetishtirguncha Boboqul otaga oʻxshash qanchadan-qancha zahmatkash choʻponlarning umri oʻtgan. — S. Anorboyev, Oqsoy
Marziya opa kamgap, ammo zahmatkash, qishin-yozin mehnatdan boʻshamaydi. — Yoshlik
2. koʻchma Jafokash, koʻp jafo koʻrgan.
Inchunin, bizlar zahmatkash, yelkasi yagʻir jismi-joni mustabidlar zulmidan oʻrtangan el-ulus diliga singib bormogʻimiz lozim-dir. — S. Siyoyev, Yorugʻlik