fl. 1. Yasan-tusan narsalari bilan bezanmoq.
Toʻyga boradigan xotinlardek yasanmoq. Koʻcha yasangan odamlar bilan toʻlgan.
U juda yasangan, bilaklarida qoʻsh-qoʻsh oltin bilaguzuklar, barmoqlarida brilliant koʻzli uzuklar. — Oybek, Tanlangan asarlar
Oysha xola mening yasanib olganimni payqadi shekilli, soʻrab qoldi: — Bir yoqqa bormoqchimisiz, oʻgʻlim? — O. Yoqubov, Tilla uzuk
2. koʻchma Goʻzal, yashnagan koʻrinish kasb etmoq; goʻzallik, chiroyga burkanmoq.
Quyoshning zar kokili bilan Yasanibdi keng paxtazoring. — Gʻayratiy
Olam birdaniga yasandi-yu, chamandek yashnab, nurga koʻmildi. — Sh. Rashidov, Qudratli toʻlqin