ot 1. Tez yuguradigan, chopadigan; chopqir, chopagʻon.
Kepak yegan ot yugurik boʻlmas. — Maqol
Choʻloq odam uchun xizmatkorlik qiyin, boyoqish Qambar bu kamchilikni bildirmaslik uchun yugura-yugura yugurik boʻlib qolgandi. — Oybek, Tanlangan asarlar
— Hayot misli bir yugurik daryo, oqadi-ketadi, surgan kayf-u safongiz qoladi, — quv koʻzlarini suzib iljaydi — Eshonxon. Oybek, Ulugʻ yoʻl
Ikkov minib tulpor otti, Chopmoqqa havasi ketdi, Kimning oti yugurik, deb. — Erali va Sherali
2. Ildam, tez harakat qiladigan; chaqqon, tez (oyoq, qoʻl, til haqida).
Yugurik barmoqlar. Yugurik oyoq. Qoʻl yugurigi — oshga, Til yugurigi — boshga. — Maqol
U [Abdishukur] bolalik chogʻida dadasi bilan birga yangi shaharda rezavor sotib yurgandayoq, ruschaga tili yugurik boʻlib qolgan edi. — Oybek, Tanlangan asarlar
- Aqli yugurik Biror masalani tez tushunadigan, tez hal qila oladigan; fahmli. — Ne-ne aqli yugurik donishlar jon bermagan bu yoʻlni solguncha — dedi buva. — Y. Shamsharov, Koʻrk meʼmorlari