Qidiruv

fl. 1. Yorimoq feʼlining orttirma nisbati.

Baland osilgan qirqinchi chiroqning yorugʻi chogʻroq uyning burchaklarigacha yoritgan. — P. Tursun, Oʻqituvchi

Birinchi bomba kolxoz otxonasiga tushib, alanga butun qishloqni yoritdi. — I. Rahim, Chin muhabbat

2. koʻchma Yozib bayon qilmoq, tasvirlamoq, mohiyatini ochib bermoq.

Qishloq hayotini yoritmoq.

Gʻulom Yoqubovning qahramonlik tafsiloti shu kungacha yetarli darajada yori-tilgani yoʻq. — N. Safarov, Olovli izlar

Bobur xorijiy ellar safariga chiqqanda, zamin va maʼdan haqidagi maʼlumotlarini, qisqa boʻlsa-da, yoritishga urindi. — Fan va turmush

ot 1. Yorugʻlik beruvchi, yorituvchi (sayyoralar, osmon jismlari haqida).

Yana ming yillardan soʻng yoritkich atrofida sayyoraviy tumanlik hosil qiladi. — O. Moʻminov, Xiyobondagi uch uchrashuv

2. Chiroq.

Metro Stansiyaning shifti ulkan kosmosni eslatadi. Yoritkichlar olis-olis yulduzlarga oʻxshaydi. — Gazetadan

fl. Yoritmoq feʼlining majhul nisbati.

ot Yoritmoq feʼlidan sifatdosh.

fl. Yoritmoq feʼlining birgalik nisbati.

fl. Yoritmoq feʼlining orttirma nisbati.