Қидирув

сфт. 1. Оралиқ масофа унча катта бўлмаган, узоқ эмас.

Энг яқин ёʻл — шу. Шаҳарга яқин бир қишлоқда яшаймиз. Бир-бирига яқин уйлар. Қозонга яқин юрсанг, қораси юқар. — Мақол

Қирғоққа яқин ерда тўрт қозиқ устида каттакон бир қайиқ турар эди. — А. Қаҳҳор, Хотинлар

Тўнкалар жуда кўп, ҳам бир-бирига жуда яқин. Ер эса тош-метин. — Ойбек, Танланган асарлар

2. Нутқ сўзланаётган пайтдан вақт оралиғи унча катта бўлмаган.

Яқин фурсатда дийдор кўришмоқни орзу қиламиз. Яқин келажакда бу ерлар шаҳарга айланади.

Ҳа, айтгандай, устоз шу яқин кунларда уруғчилик совхозига келар эканлар. Хат олдим. — А. Қаҳҳор, Қўшчинор чироқлари

3. Бирор ҳодиса ёки воқеа юз беришига оз фурсат қолганда, маълум бир вақт келиши олдидан.

Кечга яқин меҳмонлар келишди. Саҳарга яқин ёʻлга тушдилар. Иш битишига яқин қолди.

У энди, иложи бўлса, муносиб кишига Гулнорни ҳозирдан унаштириб, фотиҳа ўқиб, тўй-никоҳни баҳорга яқин ўтказмоқчи. — Ойбек, Танланган асарлар

Тўйга яқин қолганда, келин кўчанинг бошидаги ателега кўйлак буюргани келган экан. — А. Қаҳҳор, Тўйда аза

4. кўчма Дўстона муносабатда бўлган, қадрдон, меҳрибон.

Яқин ўртоқ. Яқин дўст.

Қизиқ одам экансиз, дедингиз. Аммо дўстингдан, яқин бир одамингдан тўсатдан шундай гап эшитиш менга, албатта, оғир. — П. Турсун, Ўқитувчи

Назарида, нотаниш йигит аллакимга, жуда-жуда яқин одамга ўхшатаётгандек. А. Муҳиддин, Ҳ. — Тожибоев, Оташ қалбли қиз

Меҳмонларни тўй эгасининг яқинлари ҳурмат ва сертакаллуфлик билан кутиб олишарди. — О. Ҳусанов, Шинаванда

5. Нимаси биландир ўхшаш ёки деярли бир хил.

Ҳавоси бир-бирига яқин. Маъноси бир-бирига яқин сўзлар.

1287 йилнинг сунбула ойи, яъни эрта кузнинг кўклам ҳавосига яқин бир куни. — А. Қодирий, Меҳробдан чаён

6. Тахминан, қарийб.

Орадан яқин икки йил ўтгандан кейин Авлиёотага Бувайдадан бир одам бориб қолди. — А. Қаҳҳор, Қўшчинор чироқлари

Бир куни икки кишининг сўроғи яқин тўрт соат вақтни олди. — А. Қаҳҳор, Сароб

7. (3-шахс эгалик ва жўналиш, ўрин-пайт ва чиқиш келишиклари шаклида яқинига, яқинида, яқинидан) Кўмакчи вазифасида қўлланади ва макон муносабатларини билдиради.

Раъно келинларча Анварга салом қилди ва жазб қилгандек, Анварнинг яқинига бориб тўхтади. — А. Қодирий, Меҳробдан чаён

Бу икки хоналик уй янги қурилаётган мактаб яқинида — Ҳ. Назир, Сўнмас чақмоқлар

1. Бундан бир оз аввал.

Яқинда таътилдан қайтдим. Ораларига яқинда совуқчилик тушди.

Отаси бечора бўлса, қанча вақт эл-халқдан номус қилганидан, аллақандай шаҳарга бадарға бўлиб, яқинда келди. Ҳамза, — Паранжи сирлари

Учувчилик мактабини яқинда битириб, Тош-кент аеропортига путёвка олармиш. — Ҳ. Назир, Сўнмас чақмоқлар

2. Яқин вақт, яқин кунлар ичида.

У яқинда диссертация ёқлайди. Яқинда бошқа ишга ўтмоқчи.

Мусабекларникидан яқинда совчи келармиш. — Ойбек, Танланган асарлар

3. Бу ердан узоқ бўлмаган жойда, шу атрофда.

Яқинда магазин борми?яш [Мутал:] Яқинда одам ёʻқми? — Ёʻқ, қиҳ. — А. Қодирий, Ўтган кунлар

нареч.

олисдан жанғир-жунғир, яқиндан оддий темир загадка издали — звяк-звяк, вблизи — простая железяка (Замок, ключ)

преп. by, at, near(ly), close (to), beside, close by, next to, nearby

от 1. Яқин ҳолатда эканлик.

Ғалабанинг яқинлиги. Бозорнинг яқинлиги. Иш жойининг яқинлиги.

Отларнинг кишнаши, одамларнинг ҳойҳуйлаши манзилнинг яқинлигини билдирар эди. — М. Исмоилий, Фарғона тонг отгунча

2. Дўстона муносабат, яқин муносабатда бўлиш (

Умиднинг сен дегани Ҳафизага жуда ёқди — бу жуда яқинлик белгиси. — Мирмуҳсин, Умид

Бу ҳаммаси менинг Элмуродга яқинлигим туфайли. — Шуҳрат, Шинелли йиллар

3. Яқин эканлик (

У билан яқинлигингни биламан.

сфт. 1. Бу ердан узоқ бўлмаган жойдаги, шу атрофдаги.

Узоқдаги қуйруқдан яқиндаги ўпка яхши. — Мақол

Шу яқиндаги гулзор хушбўйини ўғирлаб келган шабада гуп этиб димоғига урилди. — И. Рахим, Чин муҳаббат

У [Шербек] саргузашт излаб, неча марта уйидан қочган, шўрлик онаси гоҳ шаҳардан, гоҳ яқиндаги темир ёʻл стансиясидан топиб келган эди. — С. Анорбоев, Оқсой

2. Бундан бир оз аввал юз берган ёки бўлиб ўтган.

Яқиндаги гап. Яқиндаги воқеа.