Qidiruv

fl. 1. Haqiqatga yoki biror qonun-qoidaga xilof ish tutmoq; xato qilmoq, adashmoq.

Hisobda yanglishmoq. Bu hovliga yanglishib kirib qolibman.

— Jiyanim soʻzlaridan yanglishib ketsalar, nima boʻladir? — Nega yanglishsinlar, ular bilganlaridan ortiqni, albatta, soʻzlamaslar. A. — Qodiriy, Oʻtgan kunlar

2. Ish-faoliyatda, hayotda notoʻgʻri yoʻl tutmoq.

Men bola-chaqali odam, yanglishib, yoʻldan ozib, sizga uylangan ekanman, nikohimdan chiqdingiz, meni kutmang. — Oybek, Tanlangan asarlar

Yakka qolgan Saodat qadrining poymol etilganidan, yanglishganidan toʻyib-toʻyib yigʻladi. — Yoshlik

1. Haqiqatga yoki biror qoidaga toʻgʻri kelmaydigan holda; notoʻgʻri, xato

Yanglish gapirmoq. Yanglish yozmoq. Yanglish hisoblamoq. Yanglish xulosa

Odamlar birma-bir patnis oldiga kelib: "Nomingiz, familiyangiz, joyingiz, molingiz" kabi soʻroqlarga, goʻyo yanglish aytib qoʻyishdan qoʻrqqanday, oʻylanib javob qaytara boshladilar — Parda Tursun, Oʻqituvchi

Tanqidning chiqqani ham, gazetaning yanglish keltirilgani ham rost — Xudoyberdi Toʻxtaboyev, Felyetondan soʻng

2. Xato ish; xatolik

Agronomiyadagi yanglish goho doʻl, sel, boʻron, qurgʻoqchilikdan ham katta zarar yetkazishi mumkin xoʻjalikka — S. Nurov, Narvon

Xatosiz, xato qilmasdan.

fl. Yanglishmoq feʼlining orttirma nisbati.