ot 1. Yigʻib-terib olingan ekinlar hosilini toʻplash uchun ajratilgan joy, maydoncha.
[Usta amaki] Joʻxori yeri yonidagi bugʻdoyi oʻrib olingan bir yerni koʻrsatib, u yerni xirmon joyi qilishga maslahat berdi. — S. Ayniy, Esdaliklar
Vali aka oʻgʻliga xirmon qilinadigan joyni koʻrsatib, oʻzi terimchilarni Madaminxoʻjaning paxtazoriga boshlab ketdi. — M. Ismoiliy, Fargʻona tong otguncha
2. Shunday joyga yanchish, tozalash yoki quritish uchun keltirilgan mahsulot (galla, paxta va shu kabilar).
Oʻroqda yoʻq, mashoqda yoʻq, xirmonda hozir. — Maqol
Ishga qoʻnim — xirmonga unum. — Maqol
— Sizning oʻrogʻingizni oʻrgan, xirmoningizni yanchgan cheksiz xoʻrlangan bir insonni bilaman, — dedi Elmurod. — P. Tursun, Oʻqituvchi
3. Koʻp miqdorda toʻplab qoʻyilgan, uyib tashlangan narsalar.
Shayx Ismoil ham kimgadir imo qildi. Bir lahzada har tomondan kitob xirmoniga oʻt urildi. — K. Yashin, Hamza
- Xirmon koʻtarmoq Hosil yetishtirib, yigʻib olmoq. Gektaridan 15 sentnerdan xirmon koʻtardi. — T. Ashurov, Oq ot
- Xirmon qilmoq Hosilni bir joyga toʻplamoq, yigʻmoq. Paxtani xirmon qilmoq. Gʻallani xirmon qilmoq.