Қидирув

от 1. Бирор хатарли ҳодиса ёки фалокат содир бўлиши эҳтимоллиги, хатар.

Бу воқеадан хабар топган Султон Али мирзо ўлим хавфи ўзига ҳам яқинлашиб келаётганини сезди — П. Қодиров, Юлдузли тунлар

Шошиш керакмас, чунки бу йил тошқин хавфи ёʻқ. — А. Қаҳҳор, Қўшчинор чироқлари

2. Хавотирланиш, хавфсираш; хавотир, ташвиш.

Ҳамиша хавфда кўнглим бу муҳаббат интиҳосидан, Мени ҳам этмаса мажнун дебон Раънони(нг) савдоси. — А. Қодирий, Меҳробдан чаён

сфт. Хавф пайдо қиладиган, хатарли, қўрқинчли.

[Ҳорунбек:] Сиз салтанат учун хавфли одам сифатида жўнатиляпсиз. — Мирмуҳсин, Меъмор

У тажрибасига суянган ҳолда бир нарсага амин бўлади: жамият учун жиноятчидан кўра лоқайд одам хавфли! — Ёшлик

Бухорога энг яқин ёʻл шу бўлгани билан, у ғоятда хавфли эди. — Мирмуҳсин, Меъмор

сфт. Хавф туғдирмайдиган; хатарсиз.

Мен сенга айцам, Уммат, ўғлинг хавфсиз жойда. — С. Аҳмад, Уфқ

от Хавфли эканлик.

касаллик келиб чиқиши ёки саломатликнинг ҳар қандай бузилишига сабаб бўлувчи, инсонга кўрсатиладиган ихтиёрий табиий, техноген ёки ижтимоий таъсир. Х.о. қандайдир касаллик ёки ўлимнинг бевосита сабабчиси бўлмайди, бироқ кўпинча саломатлик бузилишининг бевосита сабаблари таъсирини чуқурлаштиради. Мас., чекиш юрак-қон томир тизими ва нафас олиш органлари касалликлари эҳтимолини оширади; гиподинамия юракнинг ишемик касалликлари ортишига ёрдам беради. Аҳоли соғлиғига таъсир кўрсатувчи Х.о.: турмуш тарзи (тамаки чекиш, гиёҳванд моддалар ва спиртли ичимликлар, дори препаратларини истеъмол қилиш, овқатланиш хусусияти, ҳаракат фаоллиги, меҳнат шароитлари, моддий-маиший шароит, оилавий аҳвол ва бошқ.); генетик ва биологик омиллар; соғлиқни сақлашнинг ҳолати; яшаш муҳити.