сфт. 1. Чорва учун озуқа, ем-хашак бўладиган.
Хашаки лавлаги. Хашаки жўхори.
2. Паст зотли, зоциз, жайдари, маҳаллий.
Хашаки от. Хашаки товуқ.
3. кўчма с.т. Оддий, содда, ҳамма қатори (одам ҳақида).
— Аҳмад полвон унақа сенлар ўйлаган хашаки болаларданмас, — деди Боқи. — Қ. Кенжа, Тоғ ёʻлида бир оқшом
4. кўчма Жўн, асоссиз.
Айтган гапларининг ҳаммаси хашаки чиқиб, мажлис аҳлининг энсасини қотирди. М. М. — Дўст, Галатепага қайтиш
- Хашаки тут Меваси уруғли, қора, қизғиш, оқиш, сарғиш рангларда бўладиган маҳаллий тут; чағир тут. Хашаки тут таги-да она-бола довон томонга кўз тутиб ётишарди. — Й. Шамшаров, Бахт излаб