Hayot Foundation loyihasi
Loyiha haqida
Oʻz
Oʻz

Qidiruv

«Vafoni» boʻyicha 12 ta natija

Filtr
Lugʻat turi
Izohli Tarjima Terminologik Frazeologik
Tilga
Ruscha Inglizcha Qoraqalpoqcha Nemischa Fransuzcha Arabcha Turkcha

Lugʻat maqolalari

10 ta
vafo
Izohli lugʻat · yana 6 ta lugʻatda

ot 1. Yorga, doʻstga, yaqin kishilarga sadoqat; oʻz ahd-paymonini muqaddas tutish; soʻzda, vaʼdada qatʼiy turish.

Yaxshidan vafo— yomondan jafo. — Maqol

Vaʼdaga vafo — mardning ishi, vaʼdasiz — subutsiz kishi. — Maqol

Avvalda olib koʻnglim chin ahd-u vafo birlan, Oxirda jafolarga hamxona qilib ketdi. — Hamza, Paranji sirlari

2. Baʼzi ish, uy hayvonlarining egasiga sadoqatiga nisbatan qoʻllanadi.

Maqol toʻqiydilar moslab oʻziga, Masalan, it — vafo, deydilar hayhot. — A. Oripov, Yillar armoni

Ot vafosi toʻgʻrisidagi otalar naqli ikki raqibning ot ustidagi jangida sinaldi. — N. Safarov, Olovli izlar

  • Vafo qilmoq 1. Sodiq turmoq, sadoqat koʻrsatmoq. Men unga Umri toʻgʻrisida bilganlarimni aytdim, soʻzimning oxirida: — Oʻz eriga vafo qilmagan xotindan vafo kutma,— dedim. — A. Qahhor, XotinlarNe qilaykim, dunyo vafo qilmadi, Vafo emas, qatra shafqat qilmadi. — H. ShamsVaʼdaga vafo qilmoq — mardlarga xos fazilat. — Gʻayratiy
Toʻliq maqola →
vafot
Izohli lugʻat · yana 6 ta lugʻatda

ot Oʻlim.

Solih maxdum otasining vafotida yigirma yoshlik talaba edi. — A. Qodiriy, Mehrobdan chayon

Bugun Gulnor vafotining sakkizinchi kuni. — Oybek, Tanlangan asarlar

  • Vafot etmoq (yoki qilmoq) Oʻlmoq, olamdan oʻtmoq. Mirzakarimboyning xotini Lutfiniso toʻsatdan, qalb xastaligidan boʻlsa kerak, bir kechada vafot etdi. — Oybek, Tanlangan asarlarAmmam vafot qilganidan keyin, toqqa ketib qolgan. — P. Tursun, Oʻqituvchi
Toʻliq maqola →
vafoli
Izohli lugʻat · yana 3 ta lugʻatda

sft. ayn. Vafodor.

Vafoli doʻst yoʻlga solar, Igʻvogar doʻst paydan olar. — Maqol

Umidim shul edi, vafoli yorim. — Oysuluv

Ot vafoli boʻladi, xotin vafosiz — Bek buni oʻz turmushida sinab bilgan. — H. Gʻulom, Mashʼal

Toʻliq maqola →
vafodor
Izohli lugʻat · yana 4 ta lugʻatda

sft. 1. Oʻz ahd-paymonini muqaddas tutuvchi, soʻzida, vaʼdasida qatʼiy turuvchi; sodiq.

Vafodor yor. Vafodor doʻst.

Aniq bildim: menga koʻngli bor ekan, Ikki yildan beri intizor ekan, Haqiqat, Nigor qiz vafodor ekan. — Nigor va Zamon

2. koʻchma Egasiga sodiq (it, ot va shu kabilar haqida).

Belgilangan joyda vafodor ot paydo boʻlibdi. — Oltin beshik

Ikki tozim edi, ona, vafodor, Dushman kelsa, boʻlar edi barobar. — Rustamxon

Toʻliq maqola →
vafosiz
Izohli lugʻat · yana 5 ta lugʻatda

sft. Vafosi yoʻq, bevafo.

Vafosiz odam. Vafosizda hayo yoʻq, hayosizda vafo yoʻq. — Maqol

[Gʻulomjon ustaga:]

Bu vafosiz dunyoda istak va zaruratdan tashqari koʻngil degan narsa ham bor ekan. — M. Ismoiliy, Fargʻona tong otguncha

Vijdonsiz, vafosiz ul ona hali bu goʻdakning tirnogʻiga ham zor boʻladi. — M. Aliyev, Shonli avlod

Toʻliq maqola →

Hammasini koʻrish · 10 →

Taʼriflar ichida

2 ta
evoh

evoh und. s. Qattiq afsus, iztirob, oʻkinch bildiradi. Oqizdilar, evoh, qirmiz qon. Guldasta U yolgʻiz vafoni yolgʻiz xohlardi. Evoh, jafo undan ming karra koʻproq. E. Ox

hayosiz

hayosiz Hayosi yoʻq, uyatsiz. Hayosizga har kun hayit. Maqol Sohib Doro: Hayosiz bilmagay hech bir vafoni, Vafoga almashur shohlar jafoni. Uygʻun va I. Sulton, Alisher Na