Қидирув

от Бирор шахс, муассаса, ташкилот, давлат ва шу кабилар номидан иш қилиш учун берилган ҳуқуқ, вакиллик ҳуқуқи.

Кенг ваколат. Депутат ўзининг юксак ваколатини сайловчилардан олган.

[Имом Сафар бўзчига:] Мен сизга мирзодан хизмат сўраб беринг, деб ваколат берган эмас эдим-ку! — А. Қодирий, Меҳробдан чаён

Ваколат ёрлиғини қўлингдан тортиб олиб, ўзингни Шоҳимардондан қувлаганим бўлсин! — К. Яшин, Ҳамза

сфт. Ваколати бор, вакиллик ҳуқуқига эга бўлган.

Улар орасида мустамлака ва қарам мамлакатларнинг ваколатли кишилари бор эди. — Газетадан

от эск. Ваколатли.

Расмий намоянда бўлишим сифатида сиз жаноб комиссарга баён этишга ваколатдорманки — А. Ҳакимов, Илон изидан

от Ташкилот ва фуқароларнинг вакиллик қилиши учун берилган ёзма ҳужжат; ишончнома, ишонч қоғози.

Бу брошюрада васиятнома, ваколатномаларни қай тартибда ёзиш лозимлиги кўрсатилган. — Газетадан

Азизим, омонат сақлайсиз, иншоолло, вақт-соати келса, ўзимга ёки менинг ваколатномамни кўрсатган кишига берарсиз. — А. Ҳакимов, Илон изидан

от Бирор давлат томонидан ўзга мамлакатда таъсис этилган ва унинг манфаатларини кўзлаб иш кўрадиган муассаса.

Шу билан бир қаторда Ўзбекистонда тўрт немис банки ўз ваколатхоналарини очди. — Газетадан

Москвадаги Венгрия савдо ваколатхонаси биносида Электроника фирмасининг кўргазмаси ишлаб турибди. — Газетадан

Берилган тўплам хоссасини бутунича етарли даражада акс эттирадиган намуна.