Qidiruv

ot 1. Tugʻilgandan to oʻlgungacha boʻlgan davr, yashash muddati, shu muddat davomidagi hayot, yashash.

Uzoq umr koʻrmoq. Umrining oxiri. Semiz qoʻyning umri kalta. — Maqol

Hazratim, men mungli qizingiz sizga xudodan Shayx Saʼdiyning umrini tilabman! Ilohim, yuzga kiring! — P. Qodirov, Yulduzli tunlar

saxovatli Meʼmor hazratlarining umrlari uzoq boʻlib, doimo sihat-salomat boʻlsinlar, deb duo qilardi. — Mirmuhsin, Meʼmor

Shunday koʻrkam, dono, tadbirli xotinning umri ersiz oʻtib ketayotganiga baʼzilar achinsa, baʼzilar taajjubda edi. — H. Shams, Dushman

2. Umuman, hayot, yashash.

Insonga umr bir marta beriladi. Ichkilik — umrning egovi. Sogʻlik — umrning garovi. Birovga oʻlim tilaguncha, oʻzingga umr tila. — Maqol

ot 1. Biror istakning amalga oshishiga boʻlgan ishonch; ishonch bilan kutish; eʼtiqod.

Sizdan umidimiz katta. Sendan umidim shumi?

Taassufki, otamning Azizbekdan boʻlgan umidi boʻshga ketdi. — A. Qodiriy, Oʻtgan kunlar

Bu kambagʻalchilik yorugʻ dunyodan boʻlgan umidimizni emas, yorugʻ dunyodan boʻlgan umidimiz bu kambagʻalchilikni yeb, kemirib tashlayotipti. — A. Qahhor, Qoʻshchi-nor chiroqlari

2. Biror narsa qilishga, biror narsaga erishishga boʻlgan ichki intilish, ichki hissiyot; istak, orzu, niyat.

Hayotni bilish va undan oʻzining loyiq oʻrnini topishga intilish — har bir kishining umidi. — Shuhrat, Shinelli yillar

Oʻzganiki boʻlsa ham, oʻgʻil qilib olaylik, degan umidda bola qidirib yuribmiz. — I. Rahim, Chin muhabbat

Qizga ota-onasi katta umid bilan Subh deb nom qoʻygan ekanlar. — Mirmuhsin, Al Mahdiy

3. Umid bogʻlamoq Orzu qilgan narsaning amalga oshishiga, bunda birovning koʻmagiga umid bilan qaramoq.

— Kim agar gʻalabaga umid bogʻlasa, albatta, gʻolib keladi, — dedi Joʻraxon. — Nazarmat, Joʻrlar baland sayraydi

Bobur mirzo hali yoshlar. Men ham shu zotga umid bogʻlagan edim — P. Qodirov, Yulduzli tunlar

4. Umid (erkaklar ismi).

ot Islom anʼanasida kichik haj; Qurʼon oyati va Paygʻambar alayhissalom sunnati bilan sobit boʻlgan amal (Umrani yil-oʻn ikki oy bajarish mumkin).

ot Odamlar, jamoat; xaloyiq; koʻpchilik.

Umum foydasi uchun ishlamoq.

Yetmasa, seni qoʻlga tushirib, umum oldida sharmandangni chiqarib, ochiq sud qilsin. Z. Said, N. — Safarov, Tarix tilga kirdi

Endi ingragan yoki, madorsiz boʻlsa ham, umumdan ajralmaslik uchun, chala-chulpa oʻralgan yaralaridan qon oqizib, sudralib borayotgan yaradorlar koʻpgina edi. — Oybek, Quyosh qoraymas

ot 1. din. Madinada Muhammad paygʻambar izidan borgan va islom dinini qabul qilgan kishilar jamoasi; musulmonlar.

Yaxshi oʻylab, choralarini topish lozimdirki, islom ummati sahobalardek chuqur, imon va zavq-shavq bilan oʻz burchlarini bajarsinlar. — Oybek, Nur qidirib

Kalomi sharifni necha bor xatm qilganman. Paygʻambarimiz Muhammad alayhissalomga ummatman. — K. Yashin, Hamza

2. Ummat (erkaklar ismi).

ot 1. esk. Dengiz, okean.

Mashriq mamlakatlaridan birida hududsiz ummonlar orasidagi moʻjazgina bir orolda moʻjiza bir daraxt oʻsarmish. — O. Yoqubov, Koʻhna dunyo

2. koʻchma Biron-bir holat, jarayon, ish-faoliyat doirasi, sohasi.

Xayol ummoni.

Yoshligidan savdo ummonida suzib, shu sohaning baland-pastini xoʻp egallagan. — A. Ibodinov, Latofat doʻkonidagi qatl