Qidiruv

fl. 1. Keli, xovoncha va shu kabilarda yanchmoq, maydalamoq, kukun qilmoq.

Murch tuymoq.

Hovli yuzida joʻxori tuyib oʻtirgan Karomat Mehrinisoni koʻrib, dik etib oʻrnidan turdi. — R. Fayziy, Hazrati inson

Onasi qandaydir oʻtlarning tomirini terib quritar edi-da, kelida tuyib, atala qaynatib berar edi. — S. Anorboyev, Oqsoy

2. shv. Oqlamoq, tozalamoq (masalan, sholini). A

[ori oʻzining xotinini yomonlab ketdi: sholini sochmasdan tuyolmaydi, suv qaynatsa ham, tagiga oldirib qoʻyadi. — A. Qahhor, Qoʻsh-chinor chiroqlari

Shu daqiqa onaning mehrli nigohi farzand gʻussasini mahv etishga qodir ekanini umrida ilk bor tuydi. — H. Gʻulom, Toshkentliklar

ot Bir yoki ikki oʻrkachli, juft tuyoqli, asosan, yuk tashish uchun xizmat qiladigan, suvsizlikka chidamli sutemizuvchi ish hayvoni.

Tuyalarni haqli ravishda sahro kemalari deb atashadi. — Gazetadan

Baʼzi kunlari [Yoʻlchi] koʻmir saroyga tushib, koʻmir, tappi, xashak keltirgan qozoqlarning tuyalarini xaridorning uyiga yetaklaydi. — Oybek, Tanlangan asarlar

Suvsizlikni tuya koʻtaradi — A. Qahhor, Maston

ot 1. fiziol. Tashqi taʼsirni sezish, his etish, qabul qilib olish qobiliyati; sezgi.

Tuygʻu yordamida biz issiqni yoki sovuqni sezamiz.

Quyonning tuygʻu aʼzolari terida tamomlanadigan nerv uchlaridan iborat. — Zoologiya

2. Ruhiy yoki jismoniy kechinmalar, his-tuygʻular majmui; his-tuygʻu, his-hissiyot.

Nafis tuygʻu. Ishonch tuygʻusi. Doʻstlik tuygʻusi. Ogʻriq tuygʻusi. Yurakni gʻash qilayotgan tuygʻu.

Rashk, menimcha, mana shu haqoratning alami va shundan kelib chiqadigan tuygʻu. — A. Qahhor, Qoʻshchinor chiroqlari

Otasining saltanat oldida katta hurmatga ega ekani Badianing qalbiga ham fidoyilik tuygʻularini solgan edi. — Mirmuhsin, Meʼmor

Oraga jimlik choʻkib, tuygʻularni soʻndirdi. — K. Yashin, Hamza

ot 1. Baʼzi sutemizuvchi hayvonlarning oyoq uchidagi, shoxsimon moddadan tuzilgan tayanch qismi.

Otning tuyogʻi. Tuyoq tovushlari.

Loyi koʻpirib yotgan yoʻlda ot taqalari, mol tuyoqlaridan hosil boʻlgan chuqurchalarni limmo-lim toʻldirgan sargʻish zardoblar jimirlab, yoniveridan sirqib yotardi. — P. Tursun, Oʻqituvchi

Ot, eshak, mol tuyoqlarining tapir-tupuri bosildi. — S. Anorboyev, Oqsoy

2. koʻchma s. t. Uy hayvoni, mol.

Nikolay zamonida ostonam tuyoq koʻrmagan. — Oybek, Oltin vodiydan shabadalar

Chorvam bor desam degunday bu yil yana tuyoq sotib oldik. — I. Rahim, Ixlos

3. Bosh (mollarning soni haqida).

Chorva tuyogʻi koʻpaydi, mollarning naslini yaxshilash, qishlovga puxta tayyorgarlik koʻrish masalasida ham anchagina ishlar qilindi. — A. Rahmat, Ellik bir bahodir

4. koʻchma Zurriyot, tirnoq.

Siz hurmatlilarga maʼlumdir, bizning shul Otabekdan oʻzga farzandimiz boʻlmay, dunyoda oʻzimizdan keyin qoldiradigan tuyogʻimiz va koʻz tikkan orzu-havasimiz faqat shul Otabekdir. — A. Qodiriy, Oʻtgan kunlar

ot ad. Soʻz oʻyiniga, koʻpincha tajnis qofiyasiga asoslangan, toʻrt satrdan iborat sheʼr; sheʼriy janr.

Navoiy tuyuqlari.

Tuyuqlarni bir tildan boshqa tilga tarjima qilish amri mahol. — Gʻ. Salomov, Tarjima nazariyasiga kirish

sft. 1. Tez sezib, fahmlab, payqab oladigan; sezgir.

Tuygʻun bola.

Hamza onasidek tuygʻun, har narsaga qiziquvchi bola boʻlgan. — OʻTA

Bunday tuygʻun, bunday ziyrak, bunday boadab qiz yetti iqlimda ham topilmaydi. — Oybek, Tanlangan asarlar

2. Tuygʻun (erkaklar ismi).