Izohli lugʻat
· yana 5 ta lugʻatda
son 1. 9 raqami va shu raqam bilan ifodalangan son, miqdor.
Toʻqqizdan uchni ayirmoq. Toʻqqiz soʻm pul. Toʻqqiz kilogramm yogʻ.
Dushman kechgacha toʻqqiz marta hujum qildi va har safar qaqshatqich zarbaga uchrar edi. — A. Qahhor, Oltin yulduz
2. ayn. Toʻqqiz-toʻqqiz.
[Hojar Toʻlaxonga:] Otang yurtning biri, kami besh yuz joydan toʻqqiz olib, toʻn kiygan. — Hamza, Paranji sirlari
Men bahuzur yozilib oʻtirib, toʻy ziyofatlarini yedim, hammaning oldiga toʻqqiz ulashilgandan keyin qaytdik. — M. Muhammadjonov, Turmush urinishlari
- Toʻqqiz pul Hech narsaga, bir paqirga arzimaydi, arzimas. Sogʻligʻing boʻlmasa, bu davlating toʻqqiz pul. Toʻqqiz pulga qimmat odam.
- Toʻqqiz puldek qilib tushuntirib (yoki tugib) bermoq Juda oddiy qilib tushuntirib bermoq. Hushyor savdogar uchun elchining bir imosi kifoya qildi, unga gapni toʻqqiz puldek qilib tugib berishning hojati yoʻq edi. — M. Osim, Elchilar