от 1. Ғала-ғовур, шовқин-сурон кабилардан холи, тинч ҳолат.
Ҳамма ёқ тип-тинч ора-чора узоқдан келган бола йиғиси бу тинчликни бузгандек бўлар эди. — А. Қодирий, Меҳробдан чаён
Аммо Салимнинг кутгани чиқмади, қўрғонда аввалгидай тинчлик, жимжитлик. — Ойбек, Танланган асарлар
2. Кишини безовта қилмайдиган, тинч, осойишта ҳолат.
Уч кундан бери ямоқчининг уйида тинчлик ёʻқ. Болалари қўрқиб, кўчага чиқмайдилар. — Ойдин, Ҳикоялар
Гулнор шу топда ёлғизликни, тинчликни истар эди. — Ойбек, Танланган асарлар
3. Уриш-жанжалсиз, тинч ҳолат; ҳамма нарса меъёрида, жойида (одатда, ҳол-аҳвол ҳақидаги сўроққа жавоб тарзида қўлланади).
— Хўш, Содиқ полвон, ишлар қалай, Тошкентда нима гаплар бор? — Нима гаплар бўлсин, Тошкентда тинчлик. Баҳона билан Тошкентни ҳам кўриб олдик. — А. Қодирий, Ўтган кунлар
— Ҳа, Бўтабой ака, бемаҳалда нима қилиб юрибсиз? Тинчликми? — Тинчлик, — деди Бўтабой ва отнинг жиловини унинг қўлидан олди. — А. Қаҳҳор, Қўшчинор чироқлари
4. Уруш, ўзаро зиддиятли тўқнашувлар ва шу кабилардан холи шароит, тинч шароит.
Бутун дунёдаги бизга ўхшаш меҳнаткашлар билан бир сафда урушга қарши, тинчлик учун курашмоқ бурчимиз. — Ойбек, Нур қидириб
Тинчлик учун кураш тобора қизғин тус олмоқда. Аёлларга ҳам, болаларга ҳам — ҳаммага тинчлик керак. — Саодат
- Тинчлик бермаслик 1. Ўз ҳолича, эркин иш тутишга қўймаслик, турли ёʻл, хатти-ҳаракатлар билан безовта қилиш. Тўғри, улар бой, жуда бой. Аммо улар Гулнорга тинчлик бермайди. — Ойбек, Танланган асарларДевонага бир пиёла чой ичишга ҳам тинчлик бермадилар. — А. Қодирий, Ўтган кунлар;Бу савол Бобоқулга маҳкам ёпишиб олди, бу тўғрида нечоғли ўйламасликка тиришмасин, юрса ҳам, турса ҳам тинчлик бермасди. — С. Анорбоев, ОқсойОрадан қанча йиллар ўца ҳамки, ҳамон мана шу ҳикоя менга тинчлик бермайди. — Газетадан
- Тинчлик борми? Хархашали, нотинч ҳолатдан норозиликни ифодалайди. — Ҳой, тинчлик борми, ёʻқми? — Ахир бола касал-ку. — Касал бўлса, йиғлатмагин. — А. Қаҳҳор, Оғриқ тишлар