ot 1. Koʻzlangan ish, maqsad va shu kabilar yoʻlidagi oʻy-fikr, xatti-harakat; bezovtalik, taraddud.
Roʻzgʻor tashvishi. Tirikchilik tashvishlari. Toʻy tashvishlari.
Har bir kunning oʻziga xos ishi va tashvishi bordir. — Sh. Rashidov, Boʻrondan kuchli
Adolat kechasi bilan chanqoq gʻoʻzalar tashvishida uxlolmadi. — I. Rahim, Chin muhabbat
Mana endi Oʻskinboyda yangi tashvish: adirlardan yer ochmoqchi. — Oʻzbekiston qoʻriqlari
Xoʻrozlarning soʻnggi qichqirigʻidan uygʻonayotgan qishlogʻimizning kun-lik yoqimli tashvishlari boshlanayotgan edi. — Saodat
2. Baxtsizlik, judolik va shu kabilar tufayli yuz beradigan his-tuygʻu; gʻam, qaygʻu.
Tashvish tortmoq (chekmoq). Boshiga (koʻngliga) tashvish tushdi. Oʻylamay qilingan ish boshga keltirar tashvish. — Maqol
Tashvish qiz bolaning husnini olarkan, shoʻxligini ham, ovozidagi latofatini ham quvarkan. — S. Ahmad, Ufq
Sizga bir maslahatim: koʻp kuyinchak boʻlavermang, yurak kasalligi aksariyat ikir-chikir tashvishlardan kelib chiqadi. — Oʻ. Hoshimov, Nur borki, soya bor
3. Notinchlik, azob-qiynoq beradigan narsa-hodisa va shu tufayli yuzaga keladigan holat; kulfat, savdo.
Yosh olimning musofirchilikda boshidan kechirgan kulfatlari bu tashvishlar oldida hech gap emasdi. — M. Osim, Jayxun ustida bulutlar
Shundoq ilm-u amal bilan kunlari oʻtib turgan Meʼmor boshiga tushgan ulkan kulfat — oʻgʻlining hibs etilishi hammasini bir tomonga uloqtirib tashladi. — Mirmuhsin, Meʼmor
- Tashvish qilmoq Unchalik tashvish qiladigan gap yoʻq. Uch vagon molimizni brak qilishibdi. — Mushtum
- Tashvishga solmoq (yoki qoʻymoq, tushirmoq) 1. Tinchini buzmoq, bezovta qilmoq, urintirib qoʻymoq. — Tashvishga soldikmi? — dedi bika, qorakoʻl popogʻini boshidan olib. — J. Sharipov, XorazmMart oyigacha moʻtadil boʻlib turgan havo birdaniga aynidi. Tabiatning bu notantiligi paxtakorlarni tashvishga solib qoʻydi. — N. Safarov, Xadicha AhrorovaQobil karvonning qamoqqa olinishi Abdurahmonboy xonadonini qattiq tashvishga solib qoʻydi. — H. Gʻulom, Mashʼal
- Tashvishga tushmoq 1. Tinchi, oromi buzilib bezovta boʻlmoq, urinmoq. Kuz havosi past keldi: kolxozchilar tashvishga tushib qolishdi;[Hasanali] Bu oʻrtada qanday tashvishlarga tushmadi, soʻrasangiz. — A. Qodiriy, Oʻtgan kunlar
- Tashvishini qilmoq Biror narsa taraddudida, harakatida boʻlmoq, oʻylamoq. Toʻy tashvishini qilmoq. Roʻzgʻor tashvishini qilmoq.