от 1. Шиддатли бўрон, довул.
[Нормат] Икки кечагача уйқу ололмади, кўзини юмса, теракнинг шовуллаши тўфон босиб келаётгандай кучаяверди. — А. Мухтор, Опа-сингиллар
Шунча бўрон, сел ва тўфонларга бардош берган тоғ кичкина бир махлуқ \сичқон\ олдида бағри тешилиб, чил-парчин бўлади. — У. Исмоилов, Сайланма
Тўфонларни севувчи Нуҳим, Сукунатга қулоқ солсанг-чи. — А. Шер
2. кўчма Алғов-далғовли, ларзага солувчи, шиддатли хатти-ҳаракат, қўзғалиш.
Унутманглар, амир лашкарлари ортида ғазотталаб муллаваччалар туради. Бу катта тўфонга пухта ҳозирлик кўрилмоқда. — С. Кароматов, Бир томчи қон
Ким мақсадга етаман деса, балолар тўфонига бардош беради, сабот билан курашади. — Н. Сафаров, Шарқ тонги
3. кўчма Руҳий, ҳиссий қўзғалиш, туғён.
Инсон қалбида не-не бўронлар, тўфонлар, шодликлар пўртана қилади. — Саодат
У қарама-қарши ўйлар тўфонида ғарқ эди. — Шуҳрат, Шинелли йиллар
4. Диний афсоналарга кўра, одамларнинг гуноҳи учун бутун дунёни босган сув тошқини.