ot Teshilgan joy, kovak, oʻyiq.
Ignaning teshigi. Burunning teshigi. Devorning teshigi. Qopning teshigi. Quloqning teshigi. Teshik xalta. Teshik chelak.
Mehmonxonaning qator uch eshigi miltiq sigʻarlik oʻlchakda bir necha joyidan teshildi. Miltiqlar u teshiklarga qoʻyilib, otila boshladi. — S. Ayniy, Qullar
Yigitcha koʻchaning narigi muyulishidagi eshik va boʻgʻot teshiklaridan gurkurab tutun chiqayotgan uyni koʻrsatdi. — P. Tursun, Oʻqituvchi
Yaxshiyam vaqtida borib qolgani, yoʻqsa chodirning teshik joyi bor ekan, kechasi yomgʻir yoqqanda, toʻppa-toʻgʻri chaqaloqning ustiga tomaveribdi. — S. Anorboyev, Oqsoy
- Kirmagan teshigi qolmadi yoki kirmagan teshigi yoʻq Kirmagan, yoʻliqmagan joyi qolmadi; hamma joyga kirib, suqilib yuradi.
- Teshik munchoq yerda qolmas Uzoq vaqt turmush qilmay, uyda oʻtirib qolgan qiz-juvonlar haqida, shuningdek, har bir narsa vaqti kelganda kerak boʻlishi, ishlatilishi mumkinligi haqida aytiladigan ibora. Bo xudo, teshik munchoq yerda qoptimi? Sochingning moʻyicha er. Kimlar olmaydi seni?! — Oʻ. Hoshimov, Qalbingga quloq sol
- Teshik tomoq (yoki jigʻildon) Har qanday ovqat talab kishi; xoʻranda. Qaramogʻimda oʻn ikkita yeyar ogʻiz, teshik tomoq bor.Biz bunaqangi teshik jigʻildonlarning bahridan oʻtmasak boʻlmaydi. — A. Muhiddin, Nuqsonboy
- Teshik quloq eshitadi Qulogʻi bor, albatta eshitadi, gap albatta yetib boradi. U ham ishlaydi. Birda boʻlmasa birda eshitadi. Teshik quloq emasmi? — Oydin, Mardlik — mangulik