Qidiruv

ot 1. Uzoqdan turib soʻzlashishga, ovoz, nutqni masofaga uzatishga xizmat qiladigan elektr aloqa qurilmasi va uning signal qoʻngʻirogʻi hamda gaplashish trubkasi boʻlgan apparati.

Telefonda (telefon orqali) gaplashmoq. Telefon bilan xabar qilmoq. Telefon stansiyasi.

Telefon jiringladi. Sulaymonov trubkani oldi. — A. Qahhor, Ikki yorti — bir butun

Kitob mutolaa qilib oʻtirgan Normurod bir sapchib tushdi-yu, qoʻrqa-pisa telefonga qoʻl choʻzdi. — O. Yoqubov, Diyonat

2. Telefon aloqaning qisqa nomi.

Baʼzi gazeta xodimlari materiallarni telefon orqali oladilar. — Mushtum

ot 1. Telefon stansiyasining xodimi.

Telefonchi qiz bir soat kutishni soʻradi. — Oʻ. Umarbekov, Yoz yomgʻiri

Qayta-qayta trubkani olib, telefonchi qizga qanchalik yalinib-yolvormasin, hech ulashning iloji topilmadi. — J. Abdullaxonov, Toʻfon

2. Telefon liniyalarida ishlovchi, telefon liniyalari oʻtkazuvchi mutaxassis.

n telephone operator, telephonist, telephone-girl

ot Fan va texnikaning telefon aloqaga doir omillarni oʻrganish va bunday aloqani amalga oshirish uchun moʻljallangan apparatlarni ishlab chiqish bilan shugʻullanuvchi sohasi.

ot Telefonchi ayol.

Smena tugadi. Fotima opa ham, boshqa qizlar ham mehnat postlarini boshqa telefonistkalarga boʻshatib berishdi. — S. Mahmudova, Fotima

ot s. t. Idoradan chiqmasdan, telefon orqali ish bitirishga urinish, uzluksiz telefonda gaplashish; telefonda gaplashib vaqt oʻtkazish.

Hamma ish qogʻozbozlik va telefonbozlikdan iborat boʻlib qolmoqda. — Gazetadan