ot 1. Bir tildagi matnni boshqa tilda qayta yaratishdan iborat adabiy ijod turi.
Erkin tarjima. Soʻzma-soʻz tarjima. Badiiy tarjima. Tarjima nazariyasi.
Nihoyat, asar tarjimasi borasidagi ishimiz oxirladi. — Gazetadan
Lermontov sheʼrlarining birinchi tarjimasi 1920 yillarning oxiriga toʻgʻri keladi. — Saodat
2. Bir tildan boshqa tilga agʻdarilgan matn.
Tarjima tayyor boʻlgach, muallif u bilan tanisha boshladi. — Gazetadan
Tarjimadagi soʻzlar, iboralar, jumlalar bir-biriga taʼsir koʻrsatib, jozibali maʼno kasb etadi. — X. Yodgorov, Hayot toʻlqinlari
- Tarjima qilmoq Bir tildagi matnni boshqa tilga ogʻzaki yoki yozma holda agʻdarmoq, oʻgirmoq. Keyinchalik Bagʻdodga borib, qadimgi yunon olimlarining falakiyotga oid asarlarini tarjima qildilar va ilmiy sharhladilar. — Mirmuhsin, MeʼmorBolalardan ruschani sal-pal tushunadiganlari boshqalariga tarjima qilib berishdi. — P. Tursun, Oʻqituvchi
- Tarjimai hol Kishining oʻz shaxsiy hayoti va faoliyati haqida yozilgan bayon; avtobiografiya. Shoirning tarjimai holi. Tarjimai hol yozmoq.Abdukarim aka Botirali qarshisida maʼyus oʻtirib, kutilmaganda oʻz tarjimai holini soʻzlab ketdi. — H. Gʻulom, Mashʼal