Қидирув

от 1. Савол, сўров.

Сўроқ бермоқ. Сўроқ оҳанги. Сўроқ гап.

Кечир, Зайнаб, ожиздир Омон, Бу сўроғинг жон ўртар ёмон. — Ҳ. Олимжон, Танланган асарлар

Нега?, дейсан, тушунмайсан, ўз сўроғингнинг Жавобини юрагингдан тинглаб кўрасан. — Ғ. Ғулом, Танланган асарлар

2. ҳуқ. Шахсдан кўрсатув ва тушунтирув олиш воситаси.

Сўроқ бермоқ. Сўроқ қилмоқ.

Сўроқ вақтида қийноққа солиш, зўравонлик, шафқацизлик ёки инсон шаъни ва қадр-қимматини камситувчи бошқа тарздаги тазйиққа дучор этиш жиноят ҳисобланади. — Ўзме

3. айн. Сўров 4.

Ахир, улар сайловчи халқ-да! Уларнинг сўроғига, талабига тўла жавоб бериш керак-да. — Ойдин, Садағанг бўлай, командир.

сфт. 1. Рухсат олмасдан, берухсат.

Бўтабой сўроқсиз эшикни очиб кирди. — С. Аҳмад, Ҳукм

Вақт ҳам биздан сўроқсиз ўтиб боряпти. — М. Қориев, Ойдин кечалар

2. ҳуқ. Сўроқ қилмасдан; терговсиз.

Сўроқсиз уч кун ётиб чиқибди.

фл. 1. Сўрамоқ, сўраб-суриштирмоқ.

Чол Сувонжоннинг шарпасини сезди шекилли, топдингми? деб сўроқлаб қолди. — С. Анорбоев, Оқсой

2. Сўраб-сўраб қидирмоқ, суриштирмоқ; даракламоқ.

Ёр ишқида неча бағримни доғ-лаб, Мен борайин Шаҳризарни сўроқлаб. — Маликайи айёр

Паризодни сўроқлаб, Бағрини ўтда доғлаб, Хоннинг эшигин қоқди, Эриб сув бўлиб оқди. — Ҳ. Олимжон

1. Рухсат олмай, рухсат бўлмагани ҳолда; сўрамай, берухсат.

Бу бефаҳм Шеров мендан бесўроқ иш қилмайди, деб вақти чоғ. — А. Қаҳҳор, Сароб

2. с. т. Тергов қилмай-нетмай, терговсиз.

Бесўроқ қамоқда ётмоқ.