Қидирув

от кт. Онг, тушунча.

Шоирларда зеҳн ва шуур ўт-кир, хаёл денгизи эса теран бўлади. — А. Ҳакимов, Илон изидан

Майли, ўтмиш ўн йил менга Шуур берди, онг берди. — Ғ, Ғулом

Менинг шуурим эса зиддиятлар осмонида кезар. — С. Азимов, Камалак

сфт. 1. кт. Маълум тушунчани ўзида мужассамлаштирган; онгли.

Ҳақиқатан ҳам Зебо шуурли, жўшқин юракли бўлиб етишди. — Р. Халилова, Ушалган орзу

Энг иродали, мақсади аниқ кишилар нурли, шуурли жаҳон барпо этдилар. — Зулфия, Чўққилар

2. ҳуқ. Ақли расо, эсли (ўз қилмишлари учун қонун олдида жавоб бера оладиган).

сфт. 1. Онгсиз ҳолда, ғайришуурий.

Йигит тафаккурдан тамом ажралиб, отга шуурсиз мўлтираб турар, тўриқ эса ер тепинар эди. — А. Ҳасанов, Чироқлар

Навоий индамасдан орқага қайтди. Бошқа хонага кириб, қоғоз ва қалам олди-да, шуурсиз равишда фармон ёза бошлади. — Ойбек, Навоий

2. ҳуқ. Ақлдан озган, руҳий касал (қилган қилмиши учун жавобгарликка тортилмайдиган).

от ҳуқ. Айбдорни жиноий масъулиятдан халос қиладиган руҳий ҳолат.

Шуурсизлик ҳолатида бўлмоқ.

от Ақл-идрок.

Унинг демократиклиги ва инсон манфаатлари билан уйғунлиги жиҳатлари ҳам тинчликсевар, ҳам адолатпеша давлатлар аҳолисининг онги-шуурига мос келади. — Газетадан

айн. Шуурсиз.

Севаргул, бешуур, ётоқ бўлмадаги тошойна ёнига бориб, қадди-қоматига синчков назар солди. — Ёшлик