Qidiruv

sft. 1. Tez, darhol sezadigan; sezgir, ziyrak.

Sergak soqchi. Sergak boʻlmoq. Sergak tortmoq.

Kiyikdek sergag-u hush-yor chavandoz Qadam qoʻyganda togʻlar qilgan ovoz. — Habibiy

Malohat ham sergak oʻtirar, ikki qulogʻi munozarada edi. — S. Nurov, Narvon

2. Tez fahmlaydigan; zehni oʻtkir; farosatli.

Sergak oʻquvchi.

Koʻngil qoʻygan yigiting sergak boʻla qolsa, dilingdagini tushunib, gapingga monand javob qilsa — R. Fayziy, Choʻlga bahor keldi

3. Uygʻoq; uxlagan emas.

Mahkam yoniga agʻdarilib yotdi va koʻzini yumdi. Lekin butun vujudi sergak edi. — P. Qodirov, Uch ildiz

— Darhol darvozalar yaqinidagi mahallalarga xabar qil, uxlamasinlar, sergak boʻlib tursinlar! — dedi Temirtosh. — Yoshlik

ot Sergak, ziyrak boʻlish xususiyati.

Unda talant bilan birga intilish, harakat va sergaklik bor. — Gʻ. Gʻulom, Talant va mahorat

Toʻlqinjon Hurining soʻzlarini zoʻr diqqat va sergaklik bilan tingladi. — F. Musajonov, Huri

ruschaбдительный человекinglizchawatchful person

fl. 1. Hushyor tortmoq, ziyrak, sergak boʻlmoq.

Dam qattiqroq, dam sustroq eshitilayotgan shovqindan birovlar vahimaga tushdi, birovlar hayron boʻldi, birovlar sergaklandi. — P. Tursun, Oʻqituvchi

2. Hushiga kelmoq (kayf, uyqu, qoʻrquvdan keyin).

Mehmonlarning mastliklari, kayflari birdan tarqalgan, ular bir onda sergaklangan edilar. — Oybek, Ulugʻ yoʻl

fl. Sergak tortmoq.

fl. Sergaklanmoq feʼlining orttirma nisbati.