Qidiruv

sft. 1. Etli, toʻladan kelgan; toʻla.

Semiz odam.

Skameykada yosh bolali ayolning chap yonida oʻtirgan semiz kishi beparvo gazeta oʻqirdi. — Oʻ. Hoshimov, Qalbingga quloq sol

Sakkiz mehmon ichida ikkisi benihoyat semiz edi. — Oybek, Tanlangan asarlar

[Otabek:] Nega Zaynab semiz-u, Kumush ozgʻin?! — A. Qodiriy, Oʻtgan kunlar

2. Yaxshi boqilgan, etli; boʻrdoqi; vazndor; yogʻ bosgan.

Semiz qoʻy. Semiz goʻsht.

Suvonjon avgustning oxirlarida oʻrmon xoʻjaligi punktiga keldi. Uning qoʻlida toʻrtta semiz kakligi bor edi. — S. Anorboyev, Oqsoy

Sharofatxon bir katta kosada semiz qoʻy goʻshtidan pishirilgan shoʻrvadan keltirdi. — Oybek, Tanlangan asarlar

3. q. x. Oʻsimlik uchun foydali moddalarga boy, serhosil (yer haqida).

Tayyor, semiz yer boʻlsa, 50 sentnerdan hosil olish uncha qiyin emas. — Gazetadan

Tuproq — semiz, suv — yaqin, havosi ochiq, Quyosh esa yil boʻyi bu yerga oshiq. — M. Shayxzoda

4. s. t. Yoʻgʻon, qalin, qappaygan; enli.

Semiz kitob.

Kechqurun guzarga kirib turing, koʻrasiz. Semiz-semiz sumka koʻtargan xotinlar oʻtaveradi. — S. Siyoyev, Otliq ayol

Eni bir yarim, boʻyi ikki qarich chamasi keladigan gazetaning ustiga qora, semiz harflar bilan: Turkiston viloyatining gazeti deb yozilgan edi. — M. Ismoiliy, Fargʻona tong otguncha

Oldinda sersavlat Moylixon aka, ortida jigarrang diplomat va semiz qogʻoz papka koʻtargan Gʻoyibjon pildirab kelar edi. — N. Aminov, Qaltis xato

ot 1. Suvga qorganda, tez qotib, toshsimon massaga aylanadigan qurilish materiali; kukunsimon biriktiruvchi qurilish materiallarining umumiy nomi.

Yuqori navli sement.

Sement, ohak, ganch, mixlarimizni — qurilishda zarur boʻladigan narsalarimizni — boʻrondan, qumdan saqladik. — Sh. Rashidov, Boʻrondan kuchli

Inki kunda sement ham topildi, buldozer ham, beton plitalar ham topildi. — S. Ahmad, Togʻ afsonasi

2. sft. Sement bilan suvalgan, tekislangan.

Sement poydevor. Sement suvoq.

Yigitlar xarob stansiyaning keng sement zinasida non kavshab oʻtirisharkan, tasodifan buxorolik yigit kelib qoldi. — Oybek, Quyosh qoraymas

Oʻng qatordagi birinchi xonaga bogʻlangan kattakon targʻil sigir sement oxurni tili bilan yalashdan toʻxtab, shoxdor boshini koʻtardi. — S. Anorboyev, Oqsoy

3. anat. Tishning oʻzagi va boʻyni asosiy toʻqimasini qoplab turadigan suyaksimon modda.

ot Sharq xalqlari ogʻzaki poetik ijodidagi afsonaviy qush.

Semurgʻ oʻylanib qoldi, Qalbini shafqat oldi. — H. Olimjon

Semurgʻ oʻzbek xalq ertak va afsonalarida ijobiy qahramonning doʻsti, himoyachisi, hamrohi, uni Yetti zulmat ichidan olib chiquvchi fantastik qush sifatida gavdalanadi. — OʻzME

ot Temir yoʻlda stansiyaga yaqin joyga ustun tarzida oʻrnatiladigan, oʻz qanotlarining turli xil holati yoki yashil, sariq, qizil rangli (oʻchib-yonib turadigan) chiroqlari vositasida yoʻlning ochiqligi yoki berkligi haqida mashinistga signal berib turadigan statsionar qurilma.

Ham oʻng, ham chap tomondagi semaforlarda goh qizil, goh koʻk chiroqlar yonadi. — H. Gʻulom, Toshkentliklar

ot Oliy va oʻrta maxsus oʻquv yurtlarida oʻquv yilining yarmi.

Birinchi semestr. Semestr imtihonlari.

[Rahim Saidov] Baʼzi semestrlarda stipendiyasiz qolardi. — Oʻ. Umarbekov, Yoz yomgʻiri

ot 1. Oliy yoki oʻrta maxsus oʻquv yurtlarida talabalarning oʻquv rejasida belgilangan mavzularni qanchalik oʻzlashtirganliklarini aniqlash, ularning mustaqilligini oshirish maqsadida oʻqituvchi rahbarligida oʻtkaziladigan mashgʻulot.

Seminar mavzulari tegishli professor-oʻqituvchilar tomonidan tuzilib, kafedra majlisida tasdiqlanadi. — OʻzME

2. Biror ilmiy muassasada, tashkilotda xodimlar malakasini oshirish, ilmiy yutuqlar va tajribani oʻrganish, ayirboshlash va tarqatish uchun oʻtkaziladigan yigʻilish.

Vrachlar seminari,

Toshkentda yaqinda katta yozuvchilar uchun alohida, yosh yozuvchilar uchun alohida seminarlar tashkil etildi. — N. Safarov. Olovli izlar