Изоҳли луғат
· яна 5 та луғатда
от 1. Супуриш-сидириш, тозалаш учун бурган, шувоқ, маккасупурги ва шу кабилардан дасталаб боғлаб ясаладиган рўзғор буюми.
Шувоқ супурги. Чўлтоқ супурги.
У тахмондаги, шифтлардаги исларни супурги билан олиб, полни икки қайта ювди. — Мирмуҳсин, Умид
Янги супургини ишлатишдан олдин совунли қайноқ сувда ҳўллаб олсангиз, кўпга чидайди. — Саодат
2. бот. Чўл, қирда ўсадиган сершох, уруғи заҳарли бир йиллик ўсимлик.
3. айн. Маккасупурги.
- Хотин (ёки хотинак) супурги Банди қисқа, одатда уй супуриладиган супурги.
- Эркак супурги Банди узун супурги. Чол ғира-ширада уйдан чиқарди. Қўлида кетмон сопидек узун сопли эркак супурги, челак. — У. Умарбеков, Дутор
- Қоровул супурги Узун ёғоч дастали катта супурги.
- Супурги пули
- Юмшоқ (ёки мулойим) супурги Муомаласи юмшоқ, мулойим, аммо ўзи қаттиқ ёки қув одам ҳақида. [Алижон] Учрашганда шундай мулойим супурги бўлиб кетадики, унча-мунча одам лақ этиб учиб, бундан яхши йигит бўлмаса керак, деб ўйлайди. — Ҳ. Нуъмон, Фасллар
- Қўли косов, сочи супурги Ҳамма уй-рўзғор ишларини ва бошқалар оғир юмушлар, топшириқларни хизматкордек бажарувчи одам ҳақида. Сизни деб қўлим косов, сочим супурги бўлса-ю, ҳали сиздан келган гап шуми? — А. Муҳиддин, Давлат қораловчиси