Qidiruv

ot 1. mat. Narsalarning qanchaligini, sanogʻini, adadini hisoblash uchun xizmat qiladigan vosita; matematik tushuncha.

Butun sonlar. Kasr sonlar. Sonlar nisbati. Sonlar nazariyasi.

Son tushunchasining rivojlanishiga oʻrta asr matematiklari ham katta hissa qoʻshdilar. — OʻzME

2. s. t. Raqam.

Bir soni. Yigirma besh soni.

3. Miqdor, sanoq; adad.

Kelayotgan ayollarning soni yoʻq. — Oybek, Tanlangan asarlar

Soʻnggi sirk, yil mobaynida respublikamizda ilmiy xodimlarning umumiy soni 103 marta., koʻpaydi. — Fan va turmush

4. Nomer; tartib nomeri.

Ikkinchi son oʻrta maktab.

Mulla Nasriddinning u sonini ochiq eslay olmasam ham, koʻrganligim xotiramda ravshan bor. — A. Qodiriy, Kichik asarlar

5. tlsh. Predmetlarning miqdorini, son-sanogʻini va sanoq jihatidan tartibini bildiruvchi soʻz turkumi.

Sanoq sonlar. Tartib sonlar. Chama sonlar.

fl. 1. Yonmay, yorugʻ bermay qoʻymoq; oʻchmoq.

Uchqun yilt etib soʻndi. — Sharq yulduzi

Mushakning koʻk, sariq, qizil shuʼlalari tuproq uyumlarini, choyxona tomlarini uzoq yoritib turdi-da, keyin asta soʻndi. — S. Ahmad, Ufq

Domla soʻna boshlagan gulxanga oʻtin tashlay turib, unga sinovchan qarab qoʻydi-yu, atay yelka uchirdi. — M. Mansurov, Yombi

2. Yorugʻlik kuchi, darajasi pasayib, nursizlanib bormoq, xira tortmoq, xiralashmoq.

Chekina olmaydi devorda tasvir, Sekin soʻna boshlar devorda quyosh. — X. Davron, Qaqnus

Derazadan tushib turgan yorugʻlik asta-asta soʻnib, uy ichi qorongʻilashaverdi. — S. Ahmad, Hukm

3. koʻchma Dastlabki kuchi, darajasi, shiddati pasaymoq, susaymoq; oʻchmoq.

Yurakdagi isyonkor tuygʻular asta-sekin soʻnib, xayolini allaqanday maʼyus oʻylar band etdi. — O. Yoqubov, Er boshiga ish tushsa

Ilgarigidek yonishlar, talpinishlar, erkalashlar, hayajonlar soʻngandek — Mirmuhsin, Umid

4. koʻchma Pasaymoq, kuchsizlanmoq (ovoz, tovush haqida).

Olam sukunatini ancha yiroqlashib ketgan poyezdning soʻnib boruvchi taraqa-turugʻidan boʻlak hech narsa buzmasdi. — M. Muhamedov, Qahramon izidan

Soʻnib qolgan kulgi yana olovlana boshladi. — P. Qodirov, Uch ildiz

ot shv. Yovvoyi oʻrdakning erkagi.

sft. 1. ot. Oxir, pirovard, nihoya.

Asarning boshi va soʻngi. Zoʻrlikning soʻngi — xoʻrlik. — Maqol

[Kumush] Soʻzining soʻngini aytolmadi. — A. Qodiriy, Oʻtgan kunlar

Qushbegi maktubning soʻngrogʻiga kelib toʻxtadi-da, chaqirdi: — Pirmat, Pirmat! — A. Qodiriy, Oʻtgan kunlar

Deydilar, fazoning chegarasi yoʻq, Milliard yulduzlarning soʻngi ham fazo. — A. Oripov, Yillar armoni

2. sft. Oxirgi, soʻnggi.

Soʻng dafʼa. Soʻng bor.

3. rvsh. Keyin, soʻngra.

Soʻng dardi yengillashdimi, qadamlari ildamlashdi. — Sharq yulduzi

Soʻzimiz tamom boʻlsin, soʻng borajakman. — S. Siyoyev, Yorugʻlik

4. koʻm. (chiqish kelishigi bilan) Bir nimadan keyin.

Bir ozdan soʻng.

Salomdan soʻng Ahmad toʻgʻri muddaoga oʻtdi. — F. Musajonov, Himmat

Ustod bir necha soniyalik mulohazalardan soʻng qatʼiyat ila oldinga yurib, ipni ushladi. — Fan va turmush

sft. 1. Oʻchgan, soʻngan, oʻchirilgan, oʻchiq.

Soʻniq pech.

2. Xira, nursiz.

Soʻniq yulduzlar.

Soʻniq koʻzlari moʻltirab turgan, har bir buyruqni soʻzsiz bajaruvchi yigit, qadam tashlashidan yosh juvonga oʻxshagan juldur paranjili ayolni saroy tomon boshladi. — M. Osim, Karvon yoʻllarida

3. koʻchma Siniqqan, soʻlgʻin.

Soʻniq chehra.

Hafiza noumid uyga keldi. U soʻniq, kayfi past edi. — Mirmuhsin, Umid

Balki qarshingizga kelgandir munis Beva kelinchakning soʻniq ruxsori. — A. Oripov, Yillar armoni

4. Harorati, qoʻri ketgan; soʻngan.

Qalbi soʻniq kishilar.

5. koʻchma Boʻgʻiq, hazin.

Soʻniq tovush.

— Hech qanday aybim yoʻq, hech narsa bilmayman, ogʻa, — dedi soʻniq ovoz bilan Abdusalomxoʻja. — J. Sharipov, Xorazm

sft. 1. Biror son yoki sonlar bilan ifodalangan.

Sonli masshtab.

2. Maʼlum miqdordagi, maʼlum miqdorga ega.

Koʻp sonli talabalar jamoasi.

Maqsadimiz kam sonli xalqlar vakillari madaniyatini rivojlantirishga koʻmaklashishdir. — Gazetadan

3. Nomeri bor, nomerli.

Beshinchi sonli oʻrta maktab.