Қидирув

от Иссиқ мамлакатларда ботқоқда ўсадиган, бошоқларида гуруч етишадиган дон ўсимлиги; шу ўсимликнинг оқланмаган, гуруч ҳолига келтирилмаган ҳосили.

Шоли оқламоқ.

Бултур 5 гектар пахта ерини буздириб, шоли эктирдим — Муштум

Қори ўзининг хотинини ёмонлаб кетди: шолини сочмасдан туёлмайди, сув қайнаца ҳам, тагига олдириб қўяди. — А. Қаҳҳор, Қўшчинор чироқлари

от 1. Шоли экиб, гуруч етиштириш билан шуғулланувчи деҳқон.

Шоликорлар экинга иккинчи ишлов бериш даврида ўсимликни шохлатиш тадбирларини кўришди. — М. Қўшоқов, Ҳосилдорлик ошяпти

2. Шоли экиладиган; шоли етиштириладиган.

Шоликор хўжалик. Шоликор ерлар.

Тустовуқлар кўпинча саҳарлаб шоликор ерларга учиб тушади. — М. Қориев, Ойдин кечалар

от 1. Шоли экилган майдон.

Шунинг учун ҳам шоликорлар сувни лойқалатиб, шолипоядан чиқишмай, кечиб юраверишади. — С. Аҳмад, Уфқ

Терак тагидан шолипоя бўйлаб ёʻл бор; Чирчиққа тик чиқади. — Ҳ. Ғулом, Машъал

2. Шоли ўсимлигининг пояси.

от айн. Шоликорлик 2.

Соғлиғимдан ноли-майман. Узоқ йиллар шоличилик бригадаси-да бошчилик қиламан. — Газетадан

от 1. Шоли экиш иши, касби.

Турсунбой шоликорлик қиларкан-да, қоп-қоп шоли орттираркан. — Муштум

2. Қишлоқ хўжалигининг шоли экиш, гуруч етиштириш иши билан шуғулланувчи тармоғи.

Республиканинг шимолида, Амударё бўйларида шоликорликни ривожлантириш учун катта имкониятлар бор. — Газетадан

3. Шоли экиладиган ёки экилган кенг дала.

Шоликорлик қишлоқдан бир тош чамаси нарида бўлиб, Бердибой унда ётиб ишлай-ди. — А. Қодирий, Обид кетмон

Чарақлаб офтоб чиқиб, шоликорлик полларини тўлдирган ёмғир сувларини ойнадек ялтиратди. — С. Аҳмад, Уфқ

Шарҳ, комментарияқозоқчаШолуаниқланмаганKommentariýaрусчаКомментарий