фл. 1. Шишмоқ 1-3 феълларининг орттирма нисбати.
Ари чақиб, қовоғимни шишириб юборди. Шарни пуфлаб шиширмоқ. Велосипед камерасини дамлаб шиширмоқ. Ҳўл беда сигир қорнини шишириб юборади.
Самандаров кулиб юбормаслик учун лунжини шиширди ва жаҳл билан столнинг тортмасини тортиб, унинг аризасини қидирган бўлди. — А. Қаҳҳор, Қўшчинор чироқлари
2. кўчма Оз, кичик нарсани кўп ёки катта қилиб кўрсатмоқ, муболаға қилмоқ.
Баъзилар асарнинг ижобий томонини шишириб кўрсатишга уринадилар.
Менинг ёʻқ гуноҳимни шиширган ўшалар. — Шуҳрат, Жаннат қидирганлар
- Мияни (ёки каллани) шиширмоқ Мияни ниҳоятда чарчатмоқ, ҳолдан тойдирмоқ, гангитиб қўймоқ. Саҳардан оқшомгача чархнинг ғув-ғуви каллани шиширади. — Ойбек, Улуғ ёʻл