Қидирув

фл. 1. Сезмоқ феълининг мажҳул нисбати.

Зилзила юқори қаватларда кучлироқ сезилади.

Қумда кетаётган кишига нинанинг оғирлиги ҳам сезилади. — Ж. Шарипов, Хоразм

2. Акс этмоқ, кўринмоқ, билинмоқ, намоён бўлмоқ.

Ҳаёт ўчоқ ёнидаги шохларни гоҳ оёғи билан босиб, гоҳ тиззасига уриб синдиради, унинг шошқин ҳаракатларидан ҳаяжонланаётгани сезилиб турарди. — М. Исмоилий, Фарғона тонг отгунча

Бобурнинг Самарқандга яна юриш қилиши қатъий экани унинг гап оҳангидан сезилди. — П. Қодиров, Юлдузли тунлар

3. Туюлмоқ, ўхшамоқ.

Содиқнинг жавоби унинг устидаги юкни тағин ҳам оғирлаштиргандек сезилиб, у бошини қуйига энгаштирди ва чувак соқолини тузатиб, фикрда қолди. — А. Қодирий, Ўтган кунлар

а imperceptible, insensible

• сезилмас даражада imperceptibly, insensibly

сфт. 1. Сезилиши, ҳис этилиши мумкин бўлган, фарқи анчагина катта, кучли.

Қуёш ботганига анчагина бўлган. Қоронғилик қуюқлашган сари ҳаво сезиларли даражада совиб борарди. — Ойбек, Танланган асарлар

2. кўчма Кўзга кўринарли; арзирли, айтарли.

Унинг иш фаолиятида сезиларли ўзгариш бўлмади. Сезиларли натижалар қўлга киритилди.

Билинар-билинмас, унча сезилмайдиган; пайқаш қийин бўлган,

Ниҳоят, султоннинг кўкимтир-сарғиш юзига сезилар-сезилмас қизиллик югурди. — О. Ёқубов, Кўҳна дунё

Ишлаб турган юракнинг жонли ҳужайраларидаги сезилар-сезилмас ўзгаришларни ўрганиш қийин. — Газетадан