Qidiruv

1. Yoʻl qoʻyilishi mumkin boʻlgan; oʻrinli, joiz.

Nasihatim achchiq, ammo davodir, Harna desam, otangizman, ravodir. — Habibiy

2. Munosib, loyiq boʻlgan, toʻgʻri keladigan; mos.

Kishilarga hama nashʼu namo har choq ravo boʻlsa, Menga xohish nasib boʻlmish, safoni noravo tutmish. — S. Abdulla

Agar sen badavlat boʻlsang, qashshoqni doʻst tutsang, ravodir. — Qobusnoma

Yurtimiz tayanchi — azamatlar, hey Sizga hurmat ravo, vallamatlar, hey. — Mirtemir, Asarlar

sft. 1. Bir tekisda va toʻxtovsiz boradigan yoki borayotgan, silliq.

Ravon harakat. Mashina ravon ishlayapti. Gʻoʻzalar ravon oʻsmoqda.

2. Bir tekisda, tinch oqayotgan.

Ravon suv. Obi ravon. Uning koʻz yoshi ravon.

Toʻlqinlar shovullar, soʻng oqar ravon, Tutashgan besh dengiz, oʻnlab daryolar. — X. Rasul

Kechasi charx-palak yangi joyga koʻchirildi va tongotarda dashtga bir joʻyak suv ravon oqdi. — I. Rahim, Chin muhabbat

Kemalar ravon oqib ketishdi. — Mirmuhsin, Temur Malik

3. Toʻgʻri va tekis (yoʻl haqida).

Ravon yoʻl. Yomon yoʻldosh yov boʻlar, ravon yoʻlda gʻov boʻlar. — Maqol

Hamma yoq serqatnov, ravon yoʻl, hamma yoq adil imoratlar, qasrlar, bogʻlar, fontanlar — H. Gʻulom, Zamin yulduzlari

4. Mantiq va uslub jihatidan puxta va silliq, bir-biriga yaxshi bogʻlangan.

Ravon sheʼr. Ravon uslub. Uning nutqi ravon. Ravon oʻqimoq.

Adolat sheʼrni ravon, chiroyli oʻqidi. — S. Zunnunova, Olov

Nutqi ravon bolalarning baholari, koʻpincha, yuqori boʻladi. — Saodat

Muharram ravon gapirardi. Uning bunday nutqni birinchi marta soʻzlamayotganligi koʻrinib turardi. — Shuhrat, Shinelli yillar

Yangi yerda yangi chaman yaratgan qizlar, Yangramoqda yangi, ravon kuylaringiz-a! — T. Toʻla

5. koʻchma Silliq, bir tekis.

Ha, hayot ravon emas, Bordir past-u balandi Shu fikrga kelganda, Yana bob tugallandi. — A. Muxtor, Asarlar

Aql va baxt birlashsa, insonning hayot yoʻli ravon boʻladi. — Gazetadan

Biroq hayotning ravon yoʻlidan koʻra soʻqmogʻi koʻp. — S. Karomatov, Oltin qum

6. Oson va bir tekisda harakatlanadigan, ishlaydigan.

Ravon eshik. Charxi ravon.

7. ayn. Ravona.

Devning aslahasin Shakar oladi, Otlanib Shakarbek ravon boʻladi. — Shirin bilan Shakar

ot 1. Binoning old tomondagi, peshtoq va ustunlar bilan bezatilgan qismi.

Bogʻga kirilgandan keyin toʻgʻridagi yangi oʻrdaning darvozasi, muhtasham toq va ravoqlar koʻzni qamashtirar edi. — A. Qodiriy, Mehrobdan chayon

Peshayvon peshtoqidan, Toqilar ravoqidan Chirt uzildi bir uya. — T. Toʻla, Asarlar

2. Hashamatli bino; saroy, qasr.

Oʻzganing toq-u ravoqidan oʻzingning ayvoning yaxshi. — Maqol

— Mening davlatim xonlarning davlatidan kam emas, deb qiziga yaxshi joylardan ark-u ravoq qilib, chiroyli qizlardan qirq kanizak qilib berdi, — dedi Oqishboy. — Usmon baxshi Mamat oʻgʻli, Boʻtakoʻz

3. bnk. Tokcha va toqning mehrob shaklida birlashgan yuqori qismi.

4. Hovli yoki bogʻ oʻrtasida tepasi yopiq qilib taxtadan ishlangan oynaband uy.

ot s.t. ayn. Rabot 3.

Tomorqa desam, joningiz chiqadi. Odamlar beshikdagi bolasigacha joy olib, ravot tiklab qoʻyyapti-ku. — A. Koʻchimov, Halqa

n presidium, supremacy, domination, leadership