Қидирув

сфт. 1. Руҳи паст, жонли тус олмаган, шавқ-завқсиз.

Руҳсиз тўй. Руҳсиз ҳаёт.

Мажлис очилмаган, очилса ҳам руҳсизроқ. — А. Қодирий, Ўтган кунлар

Уста Сирожиддин Навони, дарҳақиқат, руҳсиз, ёмон чалди. — Мирмуҳсин, Созанда

Абдураҳмон бир неча ойлар ниҳоятда руҳсиз, кайфсиз ва дарсига ҳам ҳафсаласиз давом этиб юрди. — А. Қодирий, Меҳробдан чаён

2. Бўш, ланж, кайфияциз.

Ўзининг руҳсиз товуши билан Ойша буви ҳам гапга аралашди. — А. Қодирий, Ўтган кунлар

Тонгда руҳсиз кўз очаман, Қовурилар танда жон. Онажоним, бундай қилма, Бундай қилма, онажон. — А. Орипов, Йиллар армони

от Руҳий тушкунлик кайфиятига берилиш, умидсизлик, завқ-шавқсизлик.

Уйга келсангиз, аллақандай кўнгилсиз, жимжит руҳсизлик сизни қарши олади. — Ойдин, Икки кўзи шунда

Тоштемир хонасига кириб, чироқни ёқди. Руҳсизлик билан хона ичини кўздан кечира бошлади. — Ёшлик

фл. 1. Руҳий тушкунлик кайфиятига берилиб умидсизланмоқ, дадилликни қўлдан бермоқ.

— Шунча одамнинг мислсиз қийноқларда жон берганини кўрган жангчилар, мағлубиятга учрагандан баттар эсанкираб, руҳсизланиб қолдилар. — П. Қодиров, Юлдузли тунлар

2. Жонлиликни, қизғинликни ёʻқотиб, қизиқарсиз, ўлик тус олмоқ.

Мажлиснинг бунчалик руҳсизланиб, маъюсият [маъюслик] ичида қолишига Гулсунбиби чидаб туролмади. — А. Қодирий, Ўтган кунлар

Бундан сўнгги суҳбат жуда руҳсизланиб кетди. — А. Қодирий, Кичик асарлар

фл. Руҳсизланмоқ феълининг орттирма нисбати.