Поиск

ot Quvonish his-tuygʻusi; xursandlik.

Boltaboy otaning quvonchidan Shirmonxon ham behad shod edi. — S. Zunnunova, Olov

Toʻy. Bu soʻz kambagʻalning uyini shodlikka, quvonchga toʻldiradi. — T. Obidov, Yusufjon qiziq

Adabiyotga yashnab kirgan yoshlarni koʻrib quvonib ketaman va bu quvonchimni oʻsha yoshning oʻziga minnatdorchilik izhor qilib aytaman. — K. Qahhorova, Chorak asr hamnafas

ot shv. Kishiga quvonch, shodlik bagʻishlaydigan, koʻnglini koʻtaradigan, xursand qiladigan eng aziz kimsa, narsa.

Tohirjon mening ovunchogʻim, otasining quvonchigʻi boʻlib qoldi, uni ardoqlab oʻstira boshladik. — M. Joʻra, Iztirob

sft. 1. Quvonchni ifodalovchi, shodlik va xursandlikni aks ettirgan; shodlik va xursandlik bilan toʻlgan, sevingan, shod, quvnoq.

Quvonchli tabassum. Quvonchli yuz.

Elmurod va uning doʻstlari quvonchli, porloq kunlarining qanday oʻta-yotganini sezmasdilar. — P. Tursun, Oʻqituvchi

Baxmal qirgʻoqlarni toʻldirib oqdi Baxtiyor elimning quvonchli sasi. — Gʻayratiy

2. Kishiga quvonch bagʻishlaydigan, quvonsa, xursand boʻlsa, sevinsa arziydigan.

Quvonchli natija. Quvonchli xabar.

Shu vaqt Yuryev batalonining jangchilari uchun yana bir quvonchli hodisa yuz berdi. — I. Rahim, Chin muhabbat

Ana shunday quvonchli kunlarning birida toʻsatdan boshimga falokat tushsa boʻladimi! — E. Raimov, Ajab qishloq

sft. Quvonchi yoʻq, gʻamgin, xomush.