fl. 1. Ozga, boriga qanoat qilmoq, bori bilan kifoyalanmoq, qoniqmoq.
Kichkina dekcha qaynatib, bir tovoq, xoʻrda oshga qanoatlanganidan, doʻkondorlar orasida u sal kunda xoʻrda maxsum deb laqablandi. — Oybek, Tanlangan asarlar
2. Qanoat hosil qilmoq, mamnun boʻlmoq, qoniqmoq.
Ishning unumidan qanoatlanmadi shekilli, cholga zugʻum qila ketdi. — K. Yashin, Hamza
Oʻrinni solib bitirgandan keyin Zaynab qanoatlanib, uydan chiqmoqchi boʻlgan edi, uni Kumush toʻxtatdi. — A. Qodiriy, Oʻtgan kunlar
3. Cheklanmoq, kifoyalanmoq.
Elmurod eshon bilan oqsoqol oʻrtasidagi diniy munosabatga aralashishni lozim koʻrmadi. Faqat zavqli kulgi bilan qanoatlandi. — P. Tursun, Oʻqituvchi
Agar biz shu bugunni oʻylar ekanmiz va bugungi ishimiz bilan qanoatlanib qolar ekanmiz, ertaga ham xuddi shu bugungi ish takrorlanaveradi. — R. Fayziy, Choʻlga bahor keldi