Толковый словарь узбекского языка
· ещё в 5 словарях
fl. Qurimoq feʼlining orttirma nisbati.
Kir quritmoq.
Saraton quyoshi adirlardagi oʻt-oʻlanlarni quritdi.
[Bektemir] Gulxanni avjlantirib, kiyimlarini quritdi. — Oybek, Quyosh qoraymas
Moʻgʻullar barkashni quritib, bogʻichiga kirib ketishdi. — M. Osim, Oʻtror
Andijon zilzilasi Katta ariqning suvini quritdi. — M. Ismoiliy, Fargʻona tong otguncha
Navoning sehrli savti Otabekning koʻz yoshlarini quritdi-da, bir yengillik bagʻishladi. — A. Qodiriy, Oʻtgan kunlar
- Bosgan (yoki qoʻngan) yerini quritmoq Borgan yerida hech narsa qoldirmay yoʻq qilmoq, yeb-ichib, talab bitirmoq. Bundan buyon bogʻimga qadam qoʻymang, siz boyoʻgʻlidan ham battar narsasiz! Qoʻngan yeringizni quritasiz! — Mirmuhsin, Chiniqish
- Qadamini quritmoq (yoki qirqmoq) Qaytib kelmaydigan, qadam bosmaydigan qilib yubormoq, yoʻqotmoq. — Tojiboyni ishga soldim. U sening oʻchingni olishga kirishdi — xudo xohlasa, bu yerdan muallimning qadamini quritadi, — dedi vaqti xush Olaxoʻja maxsum. — P. Tursun, Oʻqituvchi