Qidiruv

ot 1. Birga boqilayotgan katta qoʻy toʻdasi; qoʻy podasi; suruv.

Shu kecha tushimda choʻpon boʻlibman, Qoʻtonimni qirning toʻrida koʻribman. — Islom shoir

May-donga bir qoʻton qoʻyni haydab kelishdi. — Gʻ. Rasul, Toʻngʻich oʻgʻil

2. Qoʻy yoki mol qamaladigan katta qoʻra yoki maxsus bino; qoʻyxona, molxona.

Umarqul ertalab, yerdan qirov koʻtarilay degan-da, qoʻylarni qoʻtondan haydab chiqardi. — O. Husanov, Hayot ishqi

— Ovoragarchilikni aytmaysizmi, — dedi paqir ushlab turgan novcha kishi, — qishda qishloqqa, yozda yaylovga mol haydaymiz. Shu yerga qoʻton qurilsa boʻlmaydimi? — I. Rahim, Ixlos

Juda koʻp bosh (chorva podasi haqida).

ot Uzun oyoqlilar turkumining qarqaralar oilasiga mansub, pati oq, boʻyni va tumshugʻi uzun oʻlaksaxoʻr yirtqich qush.

ot Laylaksimonlar turkumining qarqaralar oilasiga mansub, pati koʻk, boʻyni va tumshugʻi uzun, baliq, baqa va boshqalar mayda jonivorlar bilan oziqlanuvchi yirtqich qush.