Қидирув

от 1. ад. Асар асосида ётган қамровнинг романга нисбатан торлиги, ҳикояга нисбатан кенглиги, шунга мувофиқ ҳолда, сюжет ва композициянинг ҳам романга нисбатан соддалиги, ҳикояга нисбатан мураккаблиги билан характерланувчи бадиий асар.

Автобиографик қисса. Тарихий қисса. Фантастик қисса.

Ёшлар яратаётган роман, қиссалар, очерк, ҳикоялар аксариятида этик истеъдоднинг ёрқин ифодаси бор. — Х. Ёдгоров, Ҳаёт тўлқинлари

2. ад. Ўзбек мумтоз адабиётида воқеий ҳодиса ёки афсоналар баён қилинган эпик асар; ҳикоя, ривоят.

Қиссаи Сайфулмулук. Дурбекнинг Юсуф ва Зулайҳо қиссаси.

3. с. т. Бирор нарса, кимса, воқеа-ҳодиса ва шу кабилар ҳақида оғиздан оғизга кўчиб юрадиган ҳикоя, нақл.

Раҳимахоннинг қиссаси жуда узоқ. Унинг мураккаб ва машаққатли ёʻли ҳақида катта китоб ёзса арзийди — Н. Сафаров, Раиса

Қудрат мароқли бўлган шарқ эртаклари, қиссалар ва латифалар айтиб, солдатларни тоза кулдирди. — З. Фатхуллин, Сўнмас юлдуз

от с. т. Қиссахон, қиссагўй.

Замон кўп гапни ёқтирмайди, аммо жойини топиб, одамини учратиб қолса, ундан уста қиссачи ёʻқ. — М. Исмоилий, Фарғона тонг отгунча

от Афсона, ривоят ва достонларни ифодали қилиб айтиш ёки бадиий ўқиш маҳоратига эга бўлган профессионал ижрочи.

Кўкнорихона аҳлининг ўзларидан қиссахонлари ҳам бор. — Фитрат, Қиёмат

от Қиссанавислик, қиссалар яратиш.

Воқеликнинг бадиий манзарасини яратиш истиқлол даври қиссачилигининг асосий муаммоларидан саналади. — Газетадан

от Қисса айтиш, ўқиш.

Қиссагўйлик шу ерда тугади. Камолиддин тирсакларини столга тираб, икки қўли билан бошини ушлаб қолди. — Т. Жалолов, Олтин қафас

qıssaxanlıq