от Авра-астарли, кўпинча қавима, пилта урилган, тепа, кизак ва жиякдан таркиб топадиган гулдор ёки гулсиз, тўгарак ёки тўртбурчак шаклдаги бош кийими
- Бахмал дўппи
- Гилам дўппи
- Ҳожи дўппи
- Чуст дўппи
- Зар дўппи
- Тагдўзи дўппи
Бош омон бўлса, дўппи топилар. — Мақол
[Сидиқжон] Нима дейишини билмай, бошидан дўпписини олиб, у ёқ-бу ёғига чертди, тиззасига қўйиб, жиягини тортди. — А. Қаҳҳор, Қўшчинор чироқлари
Эсиз йигитлик, эсиз бошдаги дўппию белдаги қийиқ. — С. Аҳмад, Уфқ
Ёʻлчи учун ўзи тайёрлаган яхи/и тагдўзи дўппини кийдирди. — Ойбек, Танланган асарлар
- Бировнинг дўпписини бировга кийгизмоқ Ўзининг фойдасини кўзлаган ҳолда бошқаларни алдаб, лақиллатиб юрмоқ
- Дўппини алмаштиргандек Жуда осон, қийинчилик туғдирмайдиган
- Дўппини ерга қуйиб Хотиржамлик билан, бамайлихотир, диққатни бир жойга тўплаб
- Дўппининг тагида одам бор “Эҳтиёт бўл“, сирингни сақла, лақиллаб гапираверма маъноларидаги ибора
- Дўппини осмонга отмоқ (ёки ирғитмоқ, ташламоқ) Ортиқ даражада қувонмоқ, ниҳоятда хурсанд бўлмоқ
- Дўпписини ол деса, калласини (ёки бошини) олмоқ Бирор ишни лозим бўлганидан ҳам ўтказиб, ортиқ даражада ва қўпол қилиб бажармоқ
- Дўпписи яримта Иши жойида, ғам-ташвиши ёʻқ, парвойи фалак, беғам