Qidiruv

sft. 1. Kishining nazaridan yashiringan, koʻzga koʻrinmaydigan; yashirin.

Ming tasannoga loyiq oʻsimliklarning ajoyib xislatlaridan biri — insonga yer ostida oʻzini pinhon tutgan konlardan xabar qila bilishidir. — Gazetadan

2. Kishilardan maxfiy tutilgan, sir saqlangan; maxfiy.

Siri pinhon. Dardi pinhon. Pinhon boʻlmoq. Pinhon tutmoq.

Necha yildirki, Feruz Avazga pinhon mehr qoʻygan edi. Buni xudodan yashirmaydi, ammo bandasiga bildirmaydi. — S. Siyoyev, Avaz

Dastlab tuygʻularini hammadan pinhon tutib yurdi. — Yoshlik

axir, uning pinhon armonlarini Nurillaxongina emas, Said Olimxon ham yaxshi bilardi. — Sh. Xolmirzayev, Qil koʻprik

rvsh. Kishilardan maxfiy ravishda, birovga bildirmay: yashirincha.

Bemavrid kelganiga Ravshan pinhona afsuslanmoqda edi, tezroq chiqib ketish uchun bahona qidirardi. — Sharq yulduzi

Gazmollarni taxlayotgan mudirga pinhona nazar tashlab, bir daqiqa turib qoldi. — Saodat

sft. kt. Pinhon tutilgan, sir saqlangan, yashirin; maxfiy.

Begimning koʻzlarida kishini choʻchitadigan pinhoniy bir maʼno bor. — O. Yoqubov, Koʻhna dunyo

Hazil-mutoyiba-yu koʻz yoshlarigacha, oshkora va pinhoniy alam-armonlargacha — barchasi umr kitobining qadrdon sahifalari edi — X. Sultonov, Onamning yurti

adj maxfiy, yashirin, pinhona :: undercover /ʌndəʼkʌvə(r)/ adj maxfiy, yashirin, pinhona

n [C] 1. suv osti oqimi

2. yashirin (pinhona) moyillik (intilish)