Qidiruv

private automatic exchangeruschaчастный автоматический коммутаторoʻzbekchaxususiy avtomatik kommutator

fl. 1. Tartibsiz oʻsib ketgan, oʻsiq, hurpaygan.

Paxmoq soch.

Choʻpon ota paxmoq soqollarini silab, bagʻrini oftobga toblab, togʻ bagʻriga yonboshladi. — Oydin, Shiringa maktub

Paxmoq soqol oʻtirgan yerida salomga alik oldi. — T. Malik, Shaytanat

2. Shox-shabbasi tartibsiz oʻsib tarvaqaylagan sada shaklidagi.

Sidiqjon katta yoʻldan ancha chetda, kattakon paxmoq bir daraxt ostida miltillab turgan chiroqqa tomon burildi. — A. Qahhor, Qoʻshchinor chiroqlari

3. Yungi yoki soch-soqoli oʻsiq, baroq.

Junlari oʻsiq paxmoq qoʻylar boʻyinlarini choʻzgancha suv toʻlatilgan oxurlarga intiladi. — S. Anorboyev, Harakatda barakat

Tuproqqa qorishib yotgan katta, paxmoq kuchuk zanjirini shaldiratib, oʻrnidan turdi. — Oybek, Tanlangan asarlar

ot 1. Pishitilgan loydan ustma-ust bosib qurilgan devor va uning har bir qavati, qatori.

Bir paxsa devor. Paxsa qoʻymoq (urmoq).

Uch kundan keyin eshigimizga qora otliq keldi. Paxsadan boʻynini choʻzib qichqirdi. — S. Siyoyev, Yorugʻlik

2. Paxsadan iborat, paxsadan qilingan, qurilgan.

Unda-bunda qurilgan paxsa uylar-da goʻyo hayot yoʻqday. — Saodat

Paxsa devorlar nurab, qator tuyalarning oʻrkachlaridek baland-past boʻlib qolgan. — H. Gʻulom, Mashʼal

3. koʻchma Karra, daraja.

Ganjaning kayfiyati yana bir paxsa koʻtarildi. — E. Samandar, Daryosini yoʻqotgan qirgʻoq

ot 1. Gʻoʻza oʻsimligining chigit va tolalardan iborat oppoq yumshoq hosili.

Uzun tolali paxta. Chigitli paxta. Chigitsiz paxta. Paxta terish. Eski paxta boʻz boʻlmas, asli dushman doʻst boʻlmas. — Maqol

U kechqurun tergan paxtasini tabelchiga oʻtkazib, yuvinib-taranib qishloqqa joʻnadi. — I. Rahim, Chin muhabbat

2. Chigitdan ajratilgan shu mahsulot; momiq.

Paxtadan ip yigirmoq.

Vaziraning egnida shaftoli guliga monand, koʻksi ochiq, yelkasiga paxta qoʻyib tikilgan shoyi koʻylak. — S. Ahmad, Ufq

Respublika paxta tolasi ishlab chiqarish boʻyicha dunyoda toʻrtinchi oʻrinda turadi. — Gazetadan

3. s.t. ayn. Gʻoʻza.

Uzoq-uzoqda hali kun koʻtarilmaganiga qaramay qoʻllariga ketmon ushlagan yigitlar paxta sugʻorib yuribdilar. — A. Qodiriy, Obid ketmon

4. sft. Guli, tasviri (ochilgan) paxtaga oʻxshash.

Qurbonov choʻntagidan yon daftarcha chiqardi: — Bu kishiga oʻttizta choynak, yuzta paxta gulli piyola taqsimchasi bilan. — N. Aminov, Qahqaha

Paxta gulli choynakni oldiga tortdi. — T. Ashurov, Oq ot

ot Dukkaklilarga mansub, boʻyoqchilikda xomashyo sifatida ishlatiladigan buta.

sft. Paxsadan qurilgan.

Ichkari hovli toʻqqiz paxsali devor bilan oʻralgan. — J. Sharipov, Xorazm

Huv oqargan qoʻshqavatli qoʻrgʻoncha, Devorlari toʻrt paxsali, mustahkam. — Gʻ. Gʻulom