от 1. Патроннинг порохли зарядини ёндириш учун оз миқдорда портловчи модда солиб, ўқ тубига ўрнатиладиган металл косача; капсул.
Милтиқ ўқининг пистони. Снаряд пистони. Чақилган пистон,
Лутфилла боши янчилган илондек тўлғаниб ётар эди, тезлик билан пистони чақилмаган тўппончани олди. — Муштум
2. Ўйинчоқ милтиқ ёки тўппончада отиш учун белгиланган, оз миқдорда портловчи моддаси бўлган тангачасимон қоғоз ғилоф.
3. Пичоқчиликда: пичоқнинг дастасига қадалган садафнинг атрофига айлантириб қўйилган ҳалқасим (садафни маҳкам тутиб туради).
4. Кийим-кечак, парда ва шу кабиларга зийнат учун қадаладиган йилтироқ пластинкача.
Дўппига пистон қадамоқ.
У [қиз] тушаётганда, бошидаги қора тўр пардага қадалган олтин пистонлар йилтираб, жилва сочди. — Мирмуҳсин, Чўри
5. Пуфлаб чалинадиган мусиқа асбобининг ижрочи-созанда қўл билан босиб очиб-ёпиб турадиган тугмаси.
6. Ботинканинг ип ўтказиладиган тешикларига изма ўрнига ўрнатиладиган темир ҳалқача.
- Пистон тугма Бир-бирига қадаб қўйиладиган икки қисмдан иборат тугма; шиқ-шиқ тугма.