Қидирув

от 1. Нарсанинг таг қисми, таги, туби.

Қурбон ота энгашиб, самоварнинг остига сим тиқаётган эди, қаддини ростлаб, Сидиқжонга қаради. — А. Қаҳҳор, Қўшчинор чироқлари

2. Нарсанинг қуйи қисмига, тагига яқин жой.

Гулнор дераза остига кўрпача солиб, қизни ўтказди. — Ойбек, Танланган асарлар

3. Нарсанинг яқин атрофи, тевараги.

Ёʻлчи, қулоқлари остида ўқ узилиб тураркан, томирларида жўшқин куч, юрагида юксак ҳисларнинг, орзуларнинг бўронини сезди. — Ойбек, Танланган асарлар

Она боққа етиб келганда, Турсунбой кўчатлар остини юмшатаётган эди. — Т. Ашуров, Оқ от

4. Нарсалар эгаллаб, босиб ёки қоплаб турган жой, нарсанинг тагидаги жой, таг.

Дарахтларнинг ости салқин эди.

5. Нарсанинг ички қисми, ичи, ораси, қаъри.

Ер ости суви. Ер ости бойликлари.

Бегойим ер остида илон қимирласа, биладиган қув хотин. — М. Исмоилий, Фарғона тонг отгунча

Уни [тоғни] ер ости зилзилалари ҳам халқ овозидек титратмаган эди. — М. Исмоилий, Фарғона тонг отгунча

6. Таг, туб (сув ҳавзаларида).

Денгиз ости.

Кўп одамлар бу дарёнинг остида ер тишлади. — Ойбек, Танланган асарлар

7. 3-шахс эгалик ва жўналиш, ўрин-пайт ва чиқиш келишиклари қўшимчалари билан кўмакчи вазифасида қўлланади (остида, остидан).

Остда, пастки томонда жойлашган; пастдаги, қуйидаги, пастки.

Бинонинг остки қавати.

Тешабой остки лабини тишлаб, пича ўйланиб турди. — М. Исмоилий, Фарғона тонг отгунча

от 3-асрнинг ўртасида икки уруғга бўлинган қадимги Герман уруғи бўлган готларнинг бир қисми.

от Бирор нарсанинг остига қўйиладиган бошқа нарса, таглик.

Дазмол остлиги.

от 1. Эшик, дарвоза чорчўпининг остки кўндаланг ёғочи; бинога, ҳовлига кираверишдаги ерга кўн-даланг ётқизилган ёғоч, тахта, харсанг ва шу кабилар; бўсаға.

Баланд остона. Уй остонаси. Кўча эшик остонаси.

Эшик қаттиқ тепки билан очилди-ю, остонада чувалчангдай чувак., бир киши пайдо бўлди. — М. Исмоилий, Фарғона тонг отгунча

Аҳмад бригадир Нусратбекни янги дарвоза остонасида кўриши биланоқ аҳволи руҳиясини тушунди. — С. Нуров, Майсаларни аёз урмайди

2. кўчма Уй, хонадон, даргоҳ.

— Шу ер туфайли бизлар сенинг остонангга бош эгиб, қуллуқ қилиб келдик, — деди Ойимхон. — П. Турсун, Ўқитувчи

Санъат шундай буюк даргоҳки, унинг остонасига қадам қўйдингми, орқага чиқишнинг имкони ёʻқ. — Саодат

3. кўчма Қишлоқ ёки шаҳарга кираверишдаги жой, бўсаға.

Искандар Хўжанд остонасида қаттиқ талафот кўрган. — Мирмуҳсин, Темур Малик

Чекинган душман қишлоқ остонасидаги тепаликка чиқиб олиб, қаршилик кўрсата бошлади. — Н. Сафаров, Комиссар Қорабоев

4. кўчма Бирор воқеа ёки ҳодисанинг бошланишига яқин қолган пайт; арафа.

Ҳали эсини танимаган, ўт-олов бола шу ерда балоғат остонасига етди. — С. Аҳмад, Қадрдон далалар

Юртим, сени яна қутлаб қўяйин, Қутлуғ Янги йилнинг остонасида. — А. Орипов, Йиллар армони

5. геогр. Дарё остидаги, баъзан сувдан чиқиб кўриниб турадиган ва сув оқимини тезлаштириб, кемалар қатновини қийинлаштирадиган баландроқ жой, дўнглик.

айн. Остин-устун.

Ҳовлимни у [Зиёдхўжабой] ўзиникига қўшиб, ост-уст иморат қурмоқчи, яйраб яшамоқчи. — Ойбек, Танланган асарлар

Унинг [Султонмуроднинг] бу қарашлари халқ бўрони ичида ост-уст бўлди. — Ойбек, Навоий