ot 1. Tanish, tanish-bilish.
Bir koʻrgan oshna, Ikki koʻrgan qarindosh. — Maqol
Norboʻtaning qizi doktorlikka oʻqiydi, mingta oshnasi bor desang-chi! — A. Qahhor, Mayiz yemagan xotin
2. Oʻrtoq, doʻst.
Pul oshnasi oshna boʻlmas, poʻkakdan poshna boʻlmas. — Maqol
Oʻrmon-jonning otasi Omon aka Sidiqjonning otasi Sohibjon aka bilan juda qalin oʻrtoq edi; ikki oshna oʻlib ketgandan keyin, Yormonjon bilan Sidiqjon chinakam aka-ukaday boʻlib qolishgan edi. — A. Qahhor, Qoʻshchinor chiroqlari
Ahmad Husayn Iskandarov oldiga borib kelib, qalin oshna boʻldi. — Oybek, Nur qidirib
3. Oʻz tengqurlariga nisbatan murojaat shakli.
4. Ilgaridan maʼlum, tanish.
Oʻsh togʻlari, qoʻrqinch jarlari, jilgʻalari, adirlari — barchasi bizga koʻpdan oshna. — Mirtemir, Asarlar
Safargaldiga bu qumlar chaqaloq vaqtidan oshna. Qoraqumda uning kindik qoni toʻkilgan. — J. Sharipov, Xorazm
5. Xabardor; biladigan.
Anvar yaxshigina forsixon va bir daraja arab tiliga oshna edi. — A. Qodiriy, Mehrobdan chayon
Meningcha, mashinaning illati toʻgʻrisida gapirib yuruvchilar texnikaga oshna boʻlmagan kishilar boʻlsa kerak. — M. Joʻra, Quyoshdan nur emganlar
- Moxovga oshna qilmoq Yaxshiboyevning birinchi bor soʻkishi emas, lof boʻlsayam, biror ming bora moxovga oshna qilib soʻkkandir? — M. M. Doʻst, Lolazor.