фл. 1. Ортмоқ И 1-6 феълининг орттирма нисбати.
Ихлосни орттирмоқ. Қувончини орттирмоқ. Шубҳани орттирмоқ.
Раис:
Гўё кўринишда иш қиласиз, ҳақиқатда бошқаларга иш орттирасиз. — Н. Сафаров, Хадича Аҳророва
У [Саодатхон] устаси Александр Михайловичнинг кўрсатмаларини кўнгилдагидан кўра ҳам орттириб бажарар эди. — Н. Сафаров, Уйғониш
2. Тежаб-тергаб, иқтисод қилиб кўпайтирмоқ, оз-оздан йиғиб тўпламоқ.
Бир қанча танга орттириб қола билса, рўзғорга харжлайди. — Ойбек, Танланган асарлар
[Али] Ўзининг бахцизлигидан, топганини рўзғордан орттиролмай, шу кунгача уйланолмай келишидан ҳасрат қилиб кетди. — А. Қодирий, Ўтган кунлар
3. Топмоқ, эришмоқ, етишмоқ; эга бўлмоқ; қозонмоқ.
Обрў орттирмоқ. Ҳунар орттирмоқ.
Боисжон Эргашев армия сафида хизмат қила бошлаган йилнинг дастлабки ойидаёқ янги ихтисос орттириб олди. — Н. Сафаров, Янги ер
Минг афсуслар бўлсинким, ким номимни эшица, лаънатлади, лаънат орттирдим! — Шукрулло, Сайланма
Бола-чақа орттириб, деярли Тошкентда турғун бўлиб қолаётганига қарамай, киндик қони тўкилган она тупроқ тортгани-тортган эди. — Ж. Абдуллахонов, Хонадон
- Дунё орттирмоқ Бойлик тўпламоқ. Мен кимларнингдир мол-у мулкини талаб, дунё орттириб, донг таратиб, қадр-қиймат топдимми? — Шукрулло, Сайланма