ot 1. Vaznning ortiqligi; qiyinlik, mushkullik.
Ishning ogʻirligi. Masalaning ogʻirligi. Ahvolning ogʻirligi.
Kerakli toshning ogʻirligi yoʻq. — Maqol
Karvon joʻnadi. Yukning ogʻirligidanmi, yoki gupchaklari yogʻsiragandanmi, aravalar gʻirchillab, oʻz muzikasi oʻzi bilan jadal bormoqda. — I. Rahim, Chin muhabbat
Toshkentdan uylanganimdan soʻng, yolgʻiz boshimga ham Toshkentdan, ham Margʻilondan ikki xotin ushlab turish ogʻirlik qila boshladi. — A. Qodiriy, Utgan kunlar
2. fiz. Jismlarning yerga tortilish kuchi.
3. koʻchma Tashvish, malollik.
Sizlarga ogʻirligim tushayotgani yoʻgʻ-u Uyda nima bor menga? — A. Koʻchimov, Halqa
Har kuni ertalab ishga ketayotganingda, bolani bogʻchaga eltib qoʻyasan, qaytganingda — olib ketasan. Shundoq qilsang, oʻzingdan boshqa hech kimga ogʻirligi tushmaydi. — A. Qahhor, Qoʻshchinor chiroqlari
4. koʻchma Mushkul, qiyin, noqulay ahvol; qiyinchilik; azob-uqubat.
Sokinaning bir oʻziga ikki bola bilan yurish ogʻirlik qiladi. M. M. — Doʻst, Lolazor
Momo u kunlarning ogʻirligi, tashvishi haqida koʻpam soʻylayvermaydi. — Saodat
Ular bir-birlariga qarashib, iljayishdilar. Nigor oyim ham ogʻirlikdan chiqdi. — A. Qodiriy, Mehrobdan chayon
5. koʻchma Oʻzini tuta bilish, sipolik; bosiqlik, vazminlik.
Kimning nomusi, kimning aqli, kimning sabri, ogʻirligi uni sharmandalikdan qutqarib qoldi? — Oybek, Tanlangan asarlar
Botirali ogʻirlik bilan onasiga qaradi. — Yoshlik
U, qoʻllaridagi narsalarni stol ustiga qoʻygach, ogʻirlik va bosiqlik bilan Tursun xola yoniga bordi. — Gazetadan
- Kallang ogʻirlik qilyaptimi Joningdan umiding yoʻqmi, oʻlging kelyaptimi.
- Birovga] ogʻirligini ortmoq 1. Birovga osilmoq, ustiga chiqib (minib yoki opichlab) olmoq; Munavvar, Yoʻldoshga ogʻirligini ortmaslik uchun, oʻziga ish ham topdi: tugʻruqxonaga doya boʻlib kirdi, — S. Anorboyev, Mehr
- Oʻzini ogʻirlikka solmoq yoki ogʻirlik qilmoq Oʻzini bosmoq, oʻzini qoʻlga olmoq, sabr qilmoq. U oʻzini ogʻirlikka solib, xotinining bosh-koʻzini siladi, erkalatdi. — Oydin,Koʻngli toʻldimi, yaxshi yigit. Yuragi orqasiga tortib ketgan Joʻmard oʻzini ogʻirlikka soldi. — Mirmuhsin, Ildizlar va yaproqlar