Izohli lugʻat
· yana 7 ta lugʻatda
fl. Eti qochib, ozgʻin tortmoq; ozgʻinlanmoq, oriqlamoq.
Bir terining ichida qoʻy necha bor semirib, necha bor ozar. — Maqol
Ozgan ot argʻumoq boʻlmas. — Maqol
Umidning yoqasi titilib ketgan oʻsha eski kostyumi-yu, shimining tagi yirtilib, yamoq tushganiga, ozib, chakkalari turtib chiqqaniga qarab, hayron boʻlgan boʻlsa kerak. — Mirmuhsin, Umid
Bu orada u ozib, shundogʻam soʻlgʻin yuzlari battar zaʼfaron boʻlib ketdi. — S. Ahmad, Ufq
- Aqldan (yoki esdan) ozmoq Shirmonxon qimir etmay oʻtirar, uning ifodasiz koʻzlariga qarab Mahmud, aqldan ozib qolmadimi, deb qoʻrqib ketdi. — S. Zunnunova, OlovYana qaytib oldinga oʻgirilganimda, yonimdagi ayolning yoʻqligini koʻrib, aqldan ozayozdim va telbalardek gandiraklab, hovli yuzida u yoqdan bu yoqqa yugurgancha, uni izlay boshladim. — Yoshlik
- Yoʻldan ozmoq 1. Yoʻlini yoʻqotib qoʻymoq, boshqa yoʻlga kirib ketmoq, adashmoq; Men bola-chaqali odam, yanglishib, yoʻldan ozib, sizga uylangan ekanman, nikohimdan chiqdingiz, meni kutmang. — Oybek, Tanlangan asarlarJar chaqirilib, Xudo yoʻlidan ozgan osiy Avazga yuz darra buyurdilar. Avaz suratkashnikidan jilmay, jon hovuchlab yotaverdi. — S. Siyoyev, Avaz
- Koʻngli (yoki yuragi) ozmoq Koʻngli aynimoq, bexud, behuzur boʻlmoq, oʻzini noxush sezmoq. Yuragim ozib ketdi.Otamurod oʻzini qoʻlga olmoqchi, yana olgʻa intilmoqchi boʻlardi, lekin borgan sari koʻngli ozib, koʻzi tinib ketardi. — M. Mansurov, Yombi