Qidiruv

sft. 1. Oʻy bilan band boʻlgan, oʻyga choʻmgan.

U shunday oʻychan, parishon holatda buloqqa yaqinlashdi. — M. Ismoiliy, Fargʻona tong otguncha

Nigora yulduzlarga oʻychan tikilarkan, kipriklarida oʻsha yulduzlardek jilvalanuvchi yosh tomchilari qotdi. — S. Anorboyev, Oqsoy

2. Oʻyga, xayolga koʻp beriladigan; oʻy, xayol bilan doimo band boʻladigan.

Oʻychan qiz.

Bu yolgʻiz horgʻinlikdan emas, ikki kun ichida koʻrganlari uni qandaydir oʻychan, kamgap qilib qoʻygandi. — Oybek, Quyosh qoraymas

3. Oʻyga choʻmganligini aks ettirib turgan.

Chol oʻgʻlining oʻychan koʻzlariga termilib, Botiralidan gapira ketdi. — H. Gʻulom, Mashʼal

Isroil Normatning oʻychan yuziga qaradi. — I. Rahim, Chin muhabbat

4. koʻchma Tinch va sokin; xuddi xayol surganday.

Oʻychan oqshomlar! Salqin oqshomlar! Nashʼaga eltar. — M. Shayxzoda

Oʻychan kecha, tun ichra tanho, Rauf Parfi, qoldik ikkovlon. — R. Parfi, Koʻzlar

ot Oʻychan holat.

— Lekin, — dedi Adolat oʻychanlik bilan, — dadamga hali koʻringanim yoʻq. — S. Zunnunova, Gulxan

Uning nozik qirmizi yuzida xafalik koʻzlarida chuqur oʻychanlik bor edi. — S. Anorboyev, Oqsoy

sft. Boʻyi, qaddi baland; boʻydor, novcha.

Boʻychan yigit.

Qiz hali yosh boʻlsa-da, boʻychan edi. — Oybek, Tanlangan asarlar

Javhar esa nozik qomatli, oqish yuz, koʻzlari chaqnab turgan, sochlari jingalak, boʻychan yigit. — J. Abdullaxonov, Xonadon

Nogahon falakka urgan kabi doʻq, Soʻzsiz qotib turar boʻychan teraklar. — A. Oripov, Yillar armoni